Nagginna si Eva ta iraw—kiminang yayya ta vunga na kayu. Kabalinna, iniddanna si Adan anna kiminang gapa yayya.

Nakaliwa ira. Megafu taw, pinapanaw ira na Dios ta paddidianadda nga Paraiso.

Nazziga i pattolayda kunne gapa ta ana da. Nabbako anna nallakay i magatawa adde ta natay ira. Awang tu espiritu nga nesina ta baggi da. Awang ngana ira.

Matay ittam gafu ta naggafu tam ngamin kada Adan anna Eva. Ari ngana makasingan, makaginna, makanono onu makangngua tu maski anni i natay ira.—Salmo 146:4.

Ari nga gakkag ni Jehova tu matay i totolay. Aranni noka nga paginnolayan na danuri natay. Nu magginna ira ta Dios, mattolay ira noka tu mannanayun.