Nagana da Adan anna Eva adde ta minaru i totolay ta interu nga davvun. Tatun nga tiempu, egga i karuan nga anghel nga nevulu kani Satanas nga narrebelde.

Nakkazza danaw nga anghel ta davvun anna nabbalin tu kagitta na totolay tapenu maka-atawa tu babbay. Nabbalin tu makapangngua anna kananassing nga higante i anna da.

Napannu tu marakay nga totolay i davvun. Kinagi na Biblia tu nawwara i kinarakay ta interu nga mundo megafu ta puru marakay ngana laman i ginnonopadda.

Masippo nga tolay si Noe. Kinagi na Dios nisa tu duttal i tadday nga delubio tu manaral ta ngamin nga marakay nga totolay.

Kinagi paga na Dios kani Noe tu magangngua tu dakal nga barangáy nga magalan tu arka. Itakay na taw i familiana anna i nadduruma nga klase na ayam.

Inabisuan ni Noe tu antimano i totolay ira tu egga i mappange nga Delubio ngem ariadda nga nagginna. Nigalo-galo da laman yayya. Nikalussaw gapa yayya na karuan.

Kabalinna napadday na arka, nitallung ni Noe ira i ayam ta unag na.