PARTE 12
Kunnasi nga Mabbalin tu Makapagayayya i Familiam?
Importante i aya ta sinaggi-tadday tapenu makapagayayya i familia ira. Efeso 5:33
Sigun ta unnug na Dios, i pagatawa ay para laman ta tadday nga lalaki anna tadday nga babay.
I minangngiddu nga lalaki tratuanna tu malumamo anna kanayun nga alippawatan na i atawa na.
Mawag tu duffunan na babay i atawa na.
Mawag tu tuppalan na ana ira i dob na magana da.
Colosas 3:5, 8-10
Massissippo ka anna mabbalin ka tu matalo. Ariammu manattazzi ta kasittolem.Kinagi na Uvovug na Dios nga mawag tu ayatan na lalaki i atawa na kagitta na pangaya na ta baggi na. Mawag gapa tu dakal i respetu na babay ta atawa na.
Ari nga mepangngo nga mattadday onu mabbiko i ari nga magatawa. Ari gapa tu mepangngo i pangatawa tu aru.
Ituttuddu na Uvovug ni Jehova nu kunnasi nga mabbalin tu makapagayayya i familia ira.