PARTE 6
Anni i Madidiamu Tam ta Nesimmu nga Delubio?
Zinaral na Dios i ngamin nga marakay nga totolay ngem pinaliag na da Noe anna i familia na. 2 Pedro 2:5, 6
Naguran ta interu nga davvun nagadde ta 40 nga aggaw anna 40 nga gabi. Megafu taw, nalaggabbang i ngamin nga marakay nga totolay.
I narrebelde ira nga anghel pinanawadda i kagitta na tolay nga baggi da. Namegafu tari, nabbalin ngana ira tu demonio.
Napaliag danuri egga ta unag na arka. Nappasa i aru nga dagun, natay gabbalaman da Noe anna i familia na. Ngem paginnolayan ira noka na Dios anna maiddanama da nga mattolay tu mannanayun.
Daralan mangana noka na Dios i marakay nga totolay anna ipaliagna danuri ira masippo. Mateo 24:37-39
Namegafu tagga adde sangawe, ari nga nagimmang si Satanas anna i demonio na ira nga mangilloku ta totolay.
Kagittana ta tiempu ni Noe, aru gapa sangawe i ari nga maya ta meddu nga pangigiya ni Jehova. Aranni ngana nga daralan ni Jehova ngamin i marakay nga totolay.
Egga ira totolay nga kagitta ni Noe. Maggigginna ira ta Dios anna tuttuppaladda i bilin na. Danatun nga totolay ay i Saksi ni Jehova.
Baka Kaya Mu Gapa i
LIBRU ANNA BROSIUR
Sinni Talaga i Mammaguray ta Mundo?
Baka masorpresa ka ta tabbag na Biblia. Nonoppammu nu ngatta importante yatun anna anni i koneksionna ta mappange.
