PARTE 11
Maggigginna Kari Nittam si Jehova?
Maggigginna i Dios ta pakimallo tam ira. 1 Pedro 3:12
Si Jehova i Taga-tabbag ta pakimallo onu dasa-dasal tam ira. (Salmo 65:2) Ikaya na tu napafutuan i pakibbida tam nisa.
Kani Jehova tam laman nga makimallo, awang ngana tu tanakuan.
1 Juan 5:14
Aru ira i awayya tam nga ipakimallo.Ipakimallo mu tu makua nakuan i uray na Dios ta langi anna ta davvun.
Makimallo ka gukaban na ngagan ni Jesus tapenu mepasingammu tu ibalor mu i pinanavvu na niko.
Kiddawammu kani Jehova nga duffunan naka nga magangngua tu mapia. Awayyam paga ipakimallo i meyannung ta kanan, pattolayan, balay nga paddianan anna gawa-gawayyammu.