Pinaro ni Jehova si Eva, i ollu nga babay anna niyawa na yayya kani Adan tapenu mabbalin tu atawa na.—Marcos 10:6, 7.

Pinaro ni Jehova da Adan anna Eva tu perfekto i nono anna baggi da.

I Paraiso nga naddianadda ay i hardin na Eden—kuruga makakkasta nga lugar nga egga i dana-danum na, mavvunga nga kakayu anna aya-ayam ira.

Kinikkibbida anna tinuttudduan na ira ni Jehova. Nu nagginna i magatawa ta Dios, nattolay nakuan ira tu mannanayun ta Paraiso nga davvun.

Egga i tadday nga kayu ta hardin nga nibilin ni Jehova tu ariadda nga kanan i vunga na, ta nu kanadda yaw ay matay ira.

Tadday ta anghel ira i narrebelde kontra ta Dios. Yatun nga marakay nga anghel ay si Satanas nga Diablo.

Arianna ikaya ni Satanas nga magginna da Adan anna Eva kani Jehova. Gafu taw, inusa na i tadday nga iraw tapenu mangikagi kani Eva nga nu kanan na i vunga nari na kayu, arianna nga matay. Lallagu, mabbalin yayya tu gitta na Dios. Ngem ari tu kurug i kinagi na.—Genesis 3:1-5; 1 Timoteo 2:14.