Sinni Talaga i Mammaguray ta Mundo?
Para nikaw . . .
-
Dios?
-
totolay?
-
egga paga tanakuan?
I KAGIAN NA BIBLIA
“I mundo egga ta pammaguray na Demonio.”—1 Juan 5:19.
“Zimittal i Ana na Dios tapenu daralan na i kukukuan ira na Demonio.”—1 Juan 3:8, I Bagu nga Pakkasinabban anna Salmo Ira.
ANNI MEUFFUNNA NU KURUGAMMU
Malippawamu nu ngatta aru i problema ta mundo.—Nepakannammu 12:12.
Mangurugka nga mapakasta i situasion ta mundo.—1 Juan 2:17.
KURUGATTAM KARI I KAGIAN NA BIBLIA?
Wan, gafu ta tallu nga rason:
-
Mangultimu i pammaguray ni Satanas. Talaga nga determinado si Jehova nga pangultimowan i pammaguray ni Satanas ta mundo. Nepromesa na nga “patulukanna i Demonio” anna darallanna ngamin i marake nga kiningwana.—Hebreo 2:14.
-
Pinili na Dios si Jesus nga mammaguray ta mundo. Kuruga neruma si Jesus ta nepallo kinarakayna anna makasarili nga maddaggun nga mammaguray. Nepromesa na Dios meyannung ta ammaguray ni Jesus: “Ikallo na i makafi anna mariga ira . . . Ta kadara-darum anna katazza-tazzi ay kuragan na ira.”—Salmo 72:13, 14.
-
Ari malladdug i Dios. Manawag i kagian na Biblia: “Imposible nga malladdug i Dios.” (Hebreo 6:18, New World Translation) Nu egga nepromesa na Dios, siguradu nga tuppalanna! (Isaias 55:10, 11) “Mapapanaw i mammaguray na mundo.”—Juan 12:31.
NONOPPAMMU
Anni i mesimmu ta mundo kabalinna kaffu na dati nga mammaguray?
Tabbagan na Biblia yatun ta SALMO 37:10, 11 anna NEPAKANNAMMU 21:3, 4.
Baka Kaya Mu Gapa i
ESSENTIAL BIBLE TEACHINGS
Ngatta Ipamavulun na Dios i Pazziga-riga?
Aru i makkiavu nu ngatta napannu tu lussaw anna pazziga-riga i mundo. Mangiyawa i Biblia tu fustu anna makapabannay nga tabbag.
ESPESIAL NGA KAMPANIA
Ngatta Gigiammuammu i Biblia?—Full Length
Tabbagan na Biblia i importante ira nga pakkiavu ta pattolay na minillion ta interu mundo. Kayà mu kari gapa nga matabbag i pakkiavu mu?
MEYANNUNG NIKAMI
Mar-request tu Egga Mabbisita Nikaw
Pabbidan i tadday nga pakkiavu meyannung ta Biblia, onu mas paga nga ammuan i meyannung ta Saksi ira ni Jehova.
