Anni Panò i Mesimmu ta Mappange?
I situasion kari na mundo ay . . .
-
awan tu pangullianna?
-
mas maggrabe?
-
mappipia?
I KAGIAN NA BIBLIA
“I Dios . . . funatan na ngamin i lulua da nga manuru, anna awan ngana noka tu matay, onu maraddam, onu tumangi-tangi, onu magattam ta taki. Ta napawan ngana ngamin i dana nga gannagannug.”—Nepakannammu 21:3, 4, I Bagu nga Pakkasinabban anna Salmo Ira.
ANNI MEUFFUNNA NU KURUGAMMU
Makontento anna magayayya ka noka ta trabahum.—Isaias 65:21-23.
Ari kana noka mattaki onu mazziga- riga.—Isaias 33:24; 1 Corinto 15:54.
Mattolayka noka nga mannanayun kavulu i familia anna kofunmu ira.—Salmo 37:11, 29.
KURUGATTAM KARI I KAGIAN NA BIBLIA?
Wan, gafu ta dua nga rason:
-
Egga pakawayya na Dios nga tuppalan i promesana. Ta Biblia, si Jehova nga Dios laman i nagalan tu ‘Makapangngua-sa-Ngamin,’ gafu ta awan tu limitasion na pakapangnguana. (Nepakannammu 11:17) Yari tu talaga nga makuana i promesana nga pakastan i mundo. Gittana kinagi na Biblia, ‘i Dios makua na ngamin’ gafu ta awan tu imposible Nisa.—Mateo 19:26.
-
Ikaya na Dios nga tuppalan i promesana. Angngariganna, ikaya ni Jehova tu paginnolayan i natay ira.—Job 14:14, 15.
Kinagi paga na Biblia nga nanguru tu mataki si Jesus, i Ana na Dios. Ngatta? Gafu ta ikaya na. (Marcos 1:40, 41) Perfekto nga pinarigan ni Jesus i Yamana. Ikaya na tu uffunan danuri makawag tu uffun.—Juan 5:19.
Makasiguradu ittam gavu tu ikaya parehu ni Jehova anna ni Jesus tu uffunan ittam nga mapeggan tu makapagayayya nga mappange!—Salmo 72:12-14; 145:16; 2 Pedro 3:9.
NONOPPAMMU
Kunnasi nga pakastan na Dios i mundo?
Tabbagan na Biblia yatun ta MATEO 6:9, 10 anna SALMO 110:5, 6.
Baka Kaya Mu Gapa i
PASSIFUSIFUTAN
I Kinakurug Meyannung ta Mappange
Pasikannammu i iddanamam ta kinagi na Dios meyannung ta mappange na mundo anna ta mattolay ira tatun.
ESSENTIAL BIBLE TEACHINGS
Anni i Pappatulan na Dios?
Ta interu ministerio ni Jesus, nitudduna i meyannung ta Pappatulan na Dios anne ta maski anni nga topiko. Ta aru nga siglo, nipakimallo na disipulosna nga duttal nakuan yatun nga Pappatulan.
PASSIFUSIFUTAN
Anni i Kuan na Pappatulan na Dios?
Ammu ni Jesus nga i Pappatulan na Dios laman i gobiernu nga makasolba ta problema ira ta davvun. Anni ngana i nakua na Pappatulan tapenu makapattalo ittam tatun?
MEYANNUNG NIKAMI
Mar-request tu Egga Mabbisita Nikaw
Pabbidan i tadday nga pakkiavu meyannung ta Biblia, onu mas paga nga ammuan i meyannung ta Saksi ira ni Jehova.
