Maginnolay Kari Noka i Natay Ira?
Para nikaw . . .
-
wan?
-
ari?
-
siguru?
I KAGIAN NA BIBLIA
“I totolay . . . maginnolay noka.”—Kingngua 24:15, I Bagu nga Pakkasinabban anna Salmo Ira.
ANNI MEUFFUNNA NU KURUGAMMU
Bannabannayan naka nu egga i matay tu miembro na familia.—2 Corinto 1:3, 4.
Ari ka maganassing matay.—Hebreo 2:15.
Magiddanamaka tu makavulumu ira uli.—Juan 5:28, 29.
KURUGATTAM KARI I KAGIAN NA BIBLIA?
Wan, gafu ta tallu nga rason:
-
I Dios i Namaratu. Kagian na Biblia tu si Jehova i ‘paggafuan na inango.’ (Salmo 36:9; Kingngua 17:24, 25) Nu Yayya i nangiyawa tu inango ta ngamin nga naparatu, egga pakawayyana nga mangitoli tu inango ta sinni laman nga natay.
-
Egga ngana pinaginnolay na Dios ta nappasa. Netura ta Biblia i walu nga totolay nga napaginnolay tawe ta davvun—abbing, manakam, lalaki anna babay. Napaginnolay insigida i karuan nira ngem tadday tannira i appa ngana nga aggaw ta tanam!—Juan 11:39-44.
-
Ikakaya na Dios nga mamaginnolay uli. Kalussaw ni Jehova i patay, kontra na yatun. (1 Corinto 15:26) Ikakaya na Dios nga affutan i patay gukaban na paginnolay. Guggustuna ngana tu paginnolayan danuri egga ta memoryana anna masingan ira nga mattolay uli ta davvun.—Job 14:14, 15.
NONOPPAMMU
Ngatta ta mallakay onu mabbako anna matay ittam?
Tabbagan na Biblia yatun ta GENESIS 3:17-19 anna ROMA 5:12.
Baka Kaya Mu Gapa i
ESSENTIAL BIBLE TEACHINGS
Anni i Situasion na Natay?
Nipromesa na Biblia i tiempo sonu aru nga tolay i mapaginnolay, gittana nesimmu kani Lazaro.
MEYANNUNG NIKAMI
Ngatta Gigiammuammu i Biblia?—Full Length
Tabbagan na Biblia i importante ira nga pakkiavu ta pattolay na minillion ta interu mundo. Kayà mu kari gapa nga matabbag i pakkiavu mu?
TUTTUDDU NA BIBLIA
Purueban i Paggigiammu tu Biblia
Purueban i paggigiammu tu Biblia nga egga i manguffun nikaw.
