LEKSION 12
Aya Anna Empatia
1 Tesalonica 2:7, 8
SUMARIO: Ipasingan ta maggigginna nga iddeddukammu ira anna kayà mu ira uffunan.
NU KUNNASI NGA KUAN:
-
Sigga-nono ka nakuan ta maggigginna. Ipreparam i futum gukaban na pannono ta problema nga ara-arubangadda anna ta mataga-tagenoda.
-
Pilian tu mapia i uvovug ira nga usammu. Marefreskowan, mabannayan, anna mapasikan nakuan i maggigginna. Ariammu usan i termino ira nga posible nga makataki nira, anna ari makkagi tu negatibo meyannung ta ari ira kapangngurug onu meyannung ta kuru-kurugadda.
-
Ipasingan i interes mu. Ipatageno ta maggigginna nga talaga ikavurungammu ira gukaban na masippo nga paguvovug anna mepangngo nga pakkumpas. Sigga-nono ka nakuan ta ekspresion ira na muka mu; sigga-galo ka nakuan.