Egga nakuan i gakkag mu. Nonopan nu gakkag kari na palappa mu i mangiyawa tu informasion, mangumbinsi, onu mamagaram ta maggigginna, anna iyarubang i palappa segun tatun. Siguraduan nga makoffun ta gakkag mu i ngamin nga importante nga punto.

Ipasigo i tema na palappa mu. Ikonektam i tema ta interu nga palappa mu gukaban na pangikagim uli ta importante ira nga termino na tema onu pangusa tu kaparehu ira nga uvovug.

Kuan tu manawag anna simple i pinakapunto ira. Pilian laman i pinakapunto ira nga konektadu ta tema anna efektibo nga metuddum ta unag na natunno nga oras. Limitammu i pinakapunto ira nga kagiammu, manawag nga kagian i kada punto, magimmang kabalin na kada tadday, anna ikonekta tu mapia i tadday nga punto ta tumunug.