Makimallo anna mapprepara tu mapia. Makimallo tapenu makapaffokus ta mensahem, ari nga ta baggim. Nonopammu tu mapia i importante ira nga punto nga mawag tu ikagim. Kagiammu yatun ta sarilim nga uvovug; ariammu basta kagian i kada uvovug nga egga ta kopiam.

Napafutuan nga maguvovug. Nonopammu nu ngatta mawag nga maginna na totolay i mensahem. Maffokus ka nira. Masingan ta posturam, pakkumpas mu, anna ekspresion na muka mu nu sinsero anna masippo ka.

Innammu i maggigginna ira. Makissingakka nira nu mepangngo. Nu mappalappa ka, sinaggi-tadday nga innan i kada maggigginna, imbes nga padalanan nga innan i interu nga grupo.