Mangusa tu mapammakatalakkan nga referensia. Ibase ta Biblia i kagiammu anna direkta nga bibbigan yatun nu posible. Nu makkagi ka tu informasion ta siensia, balita, ekspiriensa, onu tanakuan paga nga referensia, siguraduammu nga fustu anna pinakabagu yatun.

Usan tu fustu i referensia. Ipakanawag i teksto ira mekunnay ta kontekstona, ta mensahe na interu nga Biblia, anna ta publikasion ira na “matalo anna memmugug nga aripan.” (Mat. 24:45, NW) Usan i sekular ira nga referensia segun ta orihinal nga kebalinanna anna ta kayà kagian na nattura.

Mangipakanawag segun ta referensia. Kabalimmu nabbibbig tu teksto onu nakkagi tu referensia, mangusa tu mataktika ira nga pakkiavu onu ilustrasion tapenu makanono i maggigginna tu konklusiodda lagapa.