PAKKIAVU 7
Anni i Kuakku nu Pilitaddà nga Maki-sex?
ANNI I KUAMMU?
Nonopammu yaw nga eksena: Dua vulan paga laman nga boyfriend ni Heather si Mike, ngem gitta na ammammuna ngana yaya tu mapia. Kanayun ira nga makkatext, mattelebabad ira ta cellphone, anna kabisaduda paga ngana i linia na kataggi-tadday! Ngem, tanakuan ngana i kayà kuan ni Mike.
Ta nappasa nga dua vulan, makkakemmi laman ira anna magummo tu manganannuan. Adde laman tatun i kayà ni Heather. Ngem arianna kayà nga mawawan sa si Mike. Awan ngana tu tanakuan nga mappatageno sa tu kitagguapa yaya anna kuruga espesial. Kagianna ta baggina, ‘Tutal, ideddukammi ni Mike i kataggi-tadday . . . ’
Nu egga ka ngana ta fustu nga edad para maki-nobio onu maki-nobia anna egga ka ta situasion ni Heather, anni i kuammu?
MAGIMMANG ANNA MANNONO!
Regalu na Dios i sex nga para laman ta magatawa. Pangabuso taw nga regalu i paki-sex ta arim paga atawa. Gittana yaw na pangà ta makasta nga sinnun nga niyawada nikaw tapus paggamimu laman
Nu kontrammu i tadday nga natural nga proseso ta uniberso, gitta na law of gravity, apitammu i marake ira nga resultana. Kurug gapa yatun nu kontrammu i tadday nga dob ta moral, gitta na yaw: “Arian nu i paggannug onu seksual nga imoralidad.”—1 Tesalonica 4:3.
Anni ira i resultana nu ariammu tuppalan yatun nga bilin? Kagian na Biblia: “Nu maggannug, i baggi na mismu i pakaliwatan na.” (1 Corinto 6:18) Kurug kari yatun?
Base ta researcher ira, aru nga kabataan nga naki-sex nga ari paga kasal i naka-ekspiriensa tu tadday onu mas aru paga ta tumunug ira nga resulta.
-
PAKKA-KONSENSIA. Aru nga kabataan nga naki-sex nga ari paga kasal i makkagi nga nabbabawi ira kabalinna.
-
PADDUDA. Kabalin nga maki-sex, nonopan na dua nga makkarelasion, ‘Sinni paga tamma i naka-sex-na?’
-
PAKKA-DISMAYA. Mas kayà na babbay i lalaki nga mapprotekta nira anne ta lalaki nga mangabuso nira. Aru gapa nga lallaki i manaki ta babay nga naka-sex-da ngana.
-
Pinaka-importante: Nu maki-sex ka nga ari ka paga kasal, ipasiranammu i baggim megafu ta nawawammu i tadday nga gannug nga importante. (Roma 1:24) Kuruga nabalor i baggim tapenu iyawamu laman!
Ipasingan nga determinadu ka nga ‘arian i paggannug.’ (1 Tesalonica 4:3) Tapus, sonu egga ngana i atawam, puedem ngana maki-sex. Magayaya ka noka nga kuan yatun, nga ariammu ngana mavurung, mabbabawi, anna maganassing megafu ta naki-sex ka ta arim paga atawa.—Proverbio 7:22, 23; 1 Corinto 7:3.
ANNI I MAKAGIM?
-
Nu talaga ayatannaka na tadday, ipena kari ta peligro i pisikal anna emosional nga gawa-gawayyammu?
-
Nu talaga ikavurungannaka na tadday, ikayana kari nga madaral i relasiommu ta Dios?—Hebreo 13:4.
Baka Kaya Mu Gapa i
PAKKIAVU NA KABATAAN IRA
Ready Ngà Ngana Kari nga Maki-date?
Lima nga pannonopammu tapenu mammuammu nu ready ka ngana nga maki-date onu mangatawa.
