Anni i Pappatulan na Dios?
Yaw kari ay . . .
-
egga ta futu?
-
gloria ta langi?
-
gobiernu ta langi?
I KAGIAN NA BIBLIA
“I Dios na langi ay mangipataddag tu tadday nga Pappatulan nga ari pulus nga madaral noka.”—Daniel 2:44, New World Translation.
“Egga tadday nga ana nga neyawa para nittam; anna i gobiernu ay nepaabaga tannisa.”—Isaias 9:6; footnote.
ANNI MEUFFUNNA NU KURUGAMMU
-
Mabenefisiowanka ta matunung nga gobiernu.—Isaias 48:17, 18.
-
Makasta i gawagawayyammu anna magayayyaka ta napabagu nga mundo.—Nepakannammu 21:3, 4.
KURUGATTAM KARI I KAGIAN NA BIBLIA?
Wan, gafu ta dua nga rason:
-
Nipasingan ni Jesus i kuan na Pappatulan na Dios. Nituddu ni Jesus ta aripanna ira tu ipakimalloda nga umay nakuan i Pappatulan na Dios anna makua i uray na Dios ta davvun. (Mateo 6:9, 10) Nipasinganna nu kunnasi matabbag yatun nga pakimallo.
Pinakan ni Jesus i mabising, nanguru, anna namaginnolay turi ta egga yayya ta davvun! (Mateo 15:29-38; Juan 11:38-44) Megafu ta yayya i Patul, nipasingan ni Jesus i karuan ira nga makakkasta nga kuan na Pappatulan na Dios.—Nepakannammu 11:15.
-
I mesissimmu ta mundo pakurugadda nga aranni ngana mammaguray i Pappatulan na Dios. Neprofesiya ni Jesus nga egga ira gerra, bisin, anna lunig nige nga ituppal na Pappatulan i imammo ta davvun.—Mateo 24:3, 7.
Masingattam ngana ira yatun nga mesissimmu. Makasiguradu tam gafu nga aranni ngana nga alzan na Pappatulan na Dios i ngamin nga problema.
NONOPPAMMU
Kunnasi panò i pattolay sonu mammaguray i Pappatulan na Dios?
Tabbagan na Biblia yatun ta SALMO 37:29 anna ISAIAS 65:21-23.
Baka Kaya Mu Gapa i
ESSENTIAL BIBLE TEACHINGS
Anni i Pappatulan na Dios?
Ta interu ministerio ni Jesus, nitudduna i meyannung ta Pappatulan na Dios anne ta maski anni nga topiko. Ta aru nga siglo, nipakimallo na disipulosna nga duttal nakuan yatun nga Pappatulan.
PASSIFUSIFUTAN
Anni i Kuan na Pappatulan na Dios?
Ammu ni Jesus nga i Pappatulan na Dios laman i gobiernu nga makasolba ta problema ira ta davvun. Anni ngana i nakua na Pappatulan tapenu makapattalo ittam tatun?
MEYANNUNG NIKAMI
Ngatta Gigiammuammu i Biblia?—Full Length
Tabbagan na Biblia i importante ira nga pakkiavu ta pattolay na minillion ta interu mundo. Kayà mu kari gapa nga matabbag i pakkiavu mu?
TUTTUDDU NA BIBLIA
Purueban i Paggigiammu tu Biblia
Purueban i paggigiammu tu Biblia nga egga i manguffun nikaw.
