Nanono Mu Ngana Kari?
Nu iddukan ittam na Dios, ngatta nipamavulunna nga mabbayag i kinamarake anna pazziga-riga?
Ngatta makasiguradu ittam nga egga ittam ngana ta pangurianan nga aggaggaw?
Ngatta makagi tam nga matuppal i promesa ira na Biblia meyannung ta Pappatulan na Dios?
Moffunan kari ittam na Biblia tapenu makapaddesision tu mapia?
Megafu ta iddeddukan ittam na Namaratu, nangiyawa yayya tu tabbag tatun ira nga pakkiavu anna ta aru paga. Tapenu malegammu i tabbag ira, bisitan i website mi nga www.pr418.com, nga nadisenio tapenu uffunan i totolay nga gigiammuan i Biblia.
Tatun nga website, makaleg ka tu aktibidad, artikulo, audio anna video rekording, interviu, anna nadduruma ira nga publikasion, maski i Biblia. Libre i ngamin anna ari ka obligadu nga makipaggigiammu tu Biblia onu mabbalin tu Saksi ni Jehova.