PANGARUBANG TA STRESS
Posible i Pattolay nga Awan tu Stress-na
Makaduffun i ka-uto nga egga ta Biblia tapenu mapakarianan i stress tam. Ariattam mawayya nga malsa i ngamin nga maka-stress nittam. Ngem makua yatun na Namaratu nittam. Sinullona paga lagu si Jesu-Cristo tapenu duffunan ittam. Aranni ngana yayya magangngua tu mas makapabbaw ira nga gannug ta interu mundo anne ta kingnguana ta keggana ta davvun bilang tolay. Angngariganna:
PAMMAPIAN NI JESUS I MATAKI, GITTANA KINGNGUANA.
“Niyangay na totolay sa ngamin danuri mattulag [onu, mataki] ta maganna-gannug . . . , ay pinammapia na ngamin ira.”—MATEO 4:24.
MANGIYAWA SI JESUS TU BABALAY ANNA MAKAN PARA TA NGAMIN.
“Mangipataddag ira [i sakup ira ni Cristo] tu babalay anna maddian ira tatun, anna mammula ira tu ubas anna kanadda i vungana. Ari ira mangipataddag nga tanakuan i maddian, onu mammula nga tanakuan i kuman.”—ISAIAS 65:21, 22.
IMAMMO ANNA SEGURIDAD TA INTERU MUNDO I IRATTAL NA PAMMAGURAY NI JESUS.
“Mannanayun paray ta katolay na i katunungan; mannanayun paray i imammo adde ta kegga na vulan. Paray nakuan tu i kalawa na en-na pammagurayan ay mamegafu ta tadday nga bebay adde ta tanakuan, mamegafu ta Bannag na Eufrates adde ta tuppag ira na tanga-ravvunan. . . . Mattakag ta davvun i kontra na ira.”—SALMO 72:7-9.
ALSAN NI JESUS I KAWAN NA HUSTISIA.
“Ikallo na i makafi anna mariga ira, anna paliaran na i inango na awan tu awa-awayya da. Ta kadara-darum anna katazza-tazzi ay kuragan na ira.”—SALMO 72:13, 14.
ALSAN PAGA NI JESUS I ZIGA-RIGA ANNA PATAY.
“Awan ngana noka tu matay, onu maraddam, onu tumangi-tangi, onu magattam ta taki.”—NEPAKANNAMMU 21:4.
Baka Kaya Mu Gapa i
TABBAG TA PAKKIAVU IRA TA BIBLIA
Anni i Ituppal na Pappatulan na Dios?
Ammuan nu anni noka i ituppal na gobiernu Dios nu mammaguray ngana yatun ta interu mundo.
