PANGARUBANG TA STRESS
Stress Ka Kari?
“Ma-stress ittam gapa ngamin, ngem fermi i stress ku. Ari laman tu megafu ta dakal nga problema ngem ta aru nga gannug, ta kapurueba ira, anna ta piga ragun ngana nga panangngaw ku ta lakay ku nga mataki ta pisikal anna mental.”—Jill. a
“Pinanawannà ni bako ku, yayya nga sakan laman i namadakal ta dua nga abbimmi. Mariga i massosolo nga magana. Nawanan ngà paga tu trabahu anna ariakku paga lagu mapagan i rehistro na takay ku. Kakku ngana ammu i kuakku. Makkonsumision ngà ngana. Ammù nga marake i mappakamatay, yayya nga nikiddò ta Dios nga matay ngà ngana laman nakuan.”—Barry.
Kagitta ni Jill anni Barry, makkonsumision ka kari gapa gafu ta stress? Nu wan, mabanna-bannayan anna maduffunakka nakuan na tumunug ira nga artikulo. Mepakanawag taw i gagangay ira nga kegafuan na stress, i efekto na stress nittam, anna i makua tam tapenu mabanna-bannayan ta stress.
a Natalianan i ngagan ira.
