Maddukko Ittam ta Dios nu Ammammu Tam Yayya
Ari laman tu basta makapangngua i Namaratu, aru paga i makkarasta ira nga kualidad na. Ikaya na gapa nga makilala tam yayya tapenu maddukko ittam nisa. (Juan 17:3; Santiago 4:8) Yatun i makagafu nu ngatta niyammammu na i baggi na.
Egga i Ngagan na Namaratu Nittam
“Mammuan nakuan na totolay nga sikaw, nga mangngagan tu Jehova, sikaw laman i Katannangan ta interu nga davvun.”—SALMO 83:18, NW.
Ituddu na Biblia nga si Jehova i kurug nga Dios. Yayya i Namaratu ta uniberso anna ta ngamin nga inango. Yayya laman i mepangngo nga medayaw.—Nepakannammu 4:11.
Minaggiddu nga Dios si Jehova
“I Dios ay aya.”—1 JUAN 4:8.
Magigiammu tam i aru nga kualidad ni Jehova ta Biblia anna ta pinaratu na ira. Aya i primeru nga kualidad na. Yatun i mamaguyu ta nisa ta ngamin nga kuan na. Nu mas aru i ammu tam meyannung kani Jehova, mas nga ayatattam yayya.
Minammakoma nga Dios si Jehova
“Dios ka nga minammakoma.”—NEHEMIAS 9:17.
Ammu ni Jehova nga imperfekto ittam yari tu “minammakoma” yayya. Nu kagiattam ta nisa nga mabbabbabawi ittam anna iyemmattam ngana i marake nga kukukuattam, pakoman na ittam anna arianna ngana nga tukian i nakaliwatattam ira.—Salmo 103:12, 13.
Ikaya ni Jehova nga Makimallo Ittam Nisa
“Aranni yaya ta ngamin nga magagal sa . . . Ginnan na i pakimallo da.”—SALMO 145:18, 19.
Ari tu mawag i espesial ira nga ritual onu imahen onu tanakuan paga ira nga gannug tapenu dayawan si Jehova. Ginnan na i pakimallo tam ira kagitta na pagginna na minaggiddu ira nga magana ta meddu nga ána da.
Baka Kaya Mu Gapa i
TABBAG TA PAKKIAVU IRA TA BIBLIA
Sinni si Jehova?
Dios kari laman yayya na tadday nga nasion, kagitta na Israelita?
TABBAG TA PAKKIAVU IRA TA BIBLIA
Tadday Kari Laman nga Fuersa i Dios, Ari nga Persona?
Kagian na Biblia nga pinaratu na Dios i ngamin, ngem ikavurungan na kari ittam?
