Ta Mundo nga Napannu tu Problema—Anni i Makuam?
Makkonsumision ka ngana kari megafu ta marake ira nga mesissimmu taw ta mundo? Mesissimmu kari ta lugar nu danaw ira?
gerra
epidemia
kalamidad
ziga na pattolay
pangireruma
krimen
Nu egga i marake nga mesimmu, aru i makaddagan anna matageno da nga awan tu awa-awayya da. Mesimmu gapa ta karuan i makagi nga emotional paralysis—yari awan vuluvuga tu matageno da. Nu mabbayag danatun nga efekto na ta tolay, mammungan laman i problema.
Ta mariga ira nga situasion, mawag nga egga i kuammu tapenu maimmugurammu i iddeddukammu ira, i gawa-gawayyammu, i pakkatolayammu, anna i pagayayya mu.
Anni i makuam tapenu ari ka kuruga mavvuru-vurung megafu taw ta mundo nga napannu tu problema?
