Ammuan i Kurug
I Problema
I pangireruma ay maruddu nga gafu ta ari tu fustu nga informasion. Innan i angngarigan ira:
-
Abbo na karuan nga employer nga ari nga makaya na babbay i trabahu ira nga kawagan i abilidad, sikan, onu uto.
-
Ta nallatanan na 500 C.E. adde ta 1500 C.E. ta Europa, naakusan i Judio ira nga nilasonda kanu i posu ira tapenu mangiwara tu taki. Ta tiempo na Nazi, napara-parake mangana i Judio ira. Ira kanu i makagafu ta krisis ta ekonomia na Germany. Parehu nga narresulta danatun nga nesimmu ta nepallo nga pangireruma ta Judio ira, anna masingi-singan paga yaw adde sangawe.
-
Abbo na aru nga totolay nga maraddam onu dismayadu ta pattolay i egga ira i pisikal nga diferensiana.
Magaleg tu angngarigan onu ebidensia i totolay nga mangurug tatun ira nga kinaladdug tapenu laman merasonadda i pangirerumada. Para nira paga lagu, i sinni laman nga ari umanugu nira ay awan tu ammuna.
Prinsipio na Biblia
“Ari tu makasta nu awan tu ammu na tolay.”—PROVERBIO 19:2.
Anni i kayà kagian na teksto? Nu ariattam ammu i kurug, makangngua ittam tu marake ira nga desision. Nu mangurug ittam ta napadda-padday ira nga istoria imbes tu ta kurug, mahusgattam i totolay.
Nu Ngatta Importante nga Ammuattam i Kurug
Nu ammu tam i kurug meyannung ta totolay, ariattam basta kurugan i napadda-padday ira nga istoria meyannung ta nira. Nu mammuattam gapa nga ari gabba tu kurug i nagigginna tam, ikaya tam nga ammuan i kurug meyannung ta nira.
I Makuam
-
Awayyana nga marake i kakkagian na totolay meyannung ta tadday nga lahi ngem ariammu kattaman nga ari gapa tu kunnari i aru tatun nga lahi.
-
Tandaanammu nga posible nga baddi laman i ammum meyannung ta tanakuan.
-
Ammuan i kurug ta mapammakatalakkan nga tolay onu referensia.
Baka Kaya Mu Gapa i
PASSIFUSIFUTAN
Anni i Kagian na Biblia ta Hustisia?
Egga kari i faboran na Dios nga totolay? Nabendisionan kari i karuan tapus nekalussaw i tanakuan?
