Anni i Kurugammu?
“Nabuu i uniberso maski nu awan tu namadday tatun.”—The Grand Design, nitura na physicist ira nga da Stephen Hawking anna Leonard Mlodinow, nepublisa ta 2010.
“Pinaratu na Dios i langi anna i davvun.”—I Biblia, Genesis 1:1.
Pinaratu kari na Dios i uniberso anna i matolay ira nga gannug onu gavva laman nga limittuag danatun? Makkaduma i tabbag tatun na Biblia anna na dua nga physicist nga nakagi taw nga artikulo. Egga i mangurug ta Biblia anna egga gapa i mangurug ta kinagi na dua nga physicist. Ngem ari tu siguradu i aru nga tolay. Paddidiskusionadda yaw ta popular ira nga libru anna ta pagiraw ira ta TV.
Awayya na nga nituddu na teacher mu ira nga gavva laman nga limittuag i uniberso anna i matolay ira nga gannug, nga awan tu Dios nga namaratu tatun. Ngem napakurug da kari nga awan tu Dios? Ituttuddu gapa na lider ira na relihion nga egga i Dios. Ngem napakurug da kari yatun? Onu basta kinagi da nga mangurug ka ngana laman nga egga i Dios?
Awayya na nga nanono mu ngana gapa yatun, ngem baka para niko, awan talaga tu makannammu nu egga i Dios. Awayya na nga nanono mu gapa: Importante kari i tabbag tatun?
Ta gafu ira nga artikulo taw nga isyu na Malukag!, mabibbig mu i karuan ira nga kinakurug nga nangumbinsi ta aru nga totolay tapenu mangurug ta Dios nga Namaratu. Matabbag gapa taw nu ngatta importante nga ammum i naggafuan na inango—i matolay ira nga gannug ta planeta tam.
Baka Kaya Mu Gapa i
NABALOR IRA NGA TUTTUDDU TA BIBLIA
Naparatu Kari i Uniberso?
Ari nga malippawa na aru nga totolay i kagian na Biblia meyannung ta pamaratu anna kakkagiadda paga lagu nga pinadda-padday laman nga istoria yatun. Kurug kari i kagian na Biblia?
TABBAG TA PAKKIAVU IRA TA BIBLIA
Niyusa Kari na Dios i Ebolusion Tapenu Mamaratu?
Ari nga kontran na Biblia i kagian na siensia nga egga i padduruma ta kada klase na inango.
MEYANNUNG NIKAMI
Mar-request tu Egga Mabbisita Nikaw
Pabbidan i tadday nga pakkiavu meyannung ta Biblia, onu mas paga nga ammuan i meyannung ta Saksi ira ni Jehova.
