Ngatta Importante i Tabbag?
Ngatta importante nga ammu tam nu egga i Namaratu? Nu kumbinsidu ka ta ebidensia ira nga egga i makapangngua-sa-ngamin nga Dios, siguradu nga kayà mu gapa nga ammuan i ebidensia ira nga naggafu ta nisa i Biblia. Nu mangurug ka ta kakkagian na Biblia, malawa mu i tumunug ira nga bendision.
Mabbalikka tu mas magayayya
KAGIAN NA BIBLIA: “Iddan nakamu [na Dios] ta uran, pavvungan na i mula-mula nu ta natullo nga tiempo, iddan nakamu ta kanan, anna pannuan na i giffutuan nu ta pagayaya.”—Kingngua 14:17.
I KAYÀ NA KAGIAN: Ngamin danatun ay regalu na Namaratu. Mas nga ipappabalo mu danatun nga regalu nu mammuammu i kadakal na pangaya na Dios ta niko.
Mammuammu i makasta ira nga tabarang
KAGIAN NA BIBLIA: “Malippawa mu noka nu anni i matunung, kinahustisia, anna patas, i interu nga dalan na kinapia.”—Proverbio 2:9.
I KAYÀ NA KAGIAN: Bilang Namaratu, ammu na Dios i mamagayayya ta niko. Nu gigiammuammu i Biblia, mammuammu i aru nga gannug nga pammakapianammu.
Matabbag i pakkiavu mu ira
KAGIAN NA BIBLIA: “Malegammu i pakannammu meyannung ta Dios.”—Proverbio 2:5.
I KAYÀ NA KAGIAN: Nu ammum nga egga i Namaratu, awayyam mammuan i tabbag ta importante ira nga pakkiavu, kagitta na: Anni i gakkag na pattolay? Ngatta nepallo i pazziga-riga? Anni i mesimmu nu matay ittam? Mammuammu i fustu nga tabbag ta Biblia.
Magiddanama ka ta mappange
KAGIAN NA BIBLIA: “‘Ammù tu mapia i ikaya ku nga kuan para ta nikamu,’ kagian ni Jehova, ‘iddattakamu tu imammo, ari tu ziga, tapenu mapeggakkamu tu makakkasta nga mappange anna iddanama.’”—Jeremias 29:11.
I KAYÀ NA KAGIAN: Nipromesa na Dios nga alsan na i kinarake, pazziga-riga, anna maski i patay ta mappange. Nu mattalo ka ta promesa ira na Dios, maggutu ka nga arubangan i problemam ira.
Baka Kaya Mu Gapa i
MALUKAG!
I Dalan na Pagayayya—Gakkag ta Pattolay
Importante ta pagayayya i pagaleg ta tabbag ta importante ira nga pakkiavu ta pattolay.
