Pakkiavu na Mabbibbig Ira
Anni i “pamakurug” anna i “paningannan” nga malawà na kada nazelugan nga Cristiano ta Dios?—2 Cor. 1:21, 22.
Pamakurug: Segun ta tadday nga referensia, i Griego nga termino nga netransleyt tu “pamakurug” ta 2 Corinto 1:22 ay “termino nga meyusu-usa ta lay anna ta negosio” nga kebalinanna “ollu nga paga, deposito, down payment, tabba, nga parte na presio na ginatammu tapenu makagim nga kuam ngana i tadday nga gannug, onu mamabbalin ta tadday nga kontrata nga egga i serbina.” Ta situasion na nazelugan ira, i interu nga paga onu bala-baloda, kagitta na nakagi ta 2 Corinto 5:1-5 i pangisinnudda ta ari madaral nga nelangitan nga baggi. Tadday paga ta bala-baloda i regalu nga immortalidad.—1 Cor. 15:48-54.
Ta moderno nga Griego, parehu nga termino i neyusa para ta saklang para ta tabba na pakkasal. Mepangngo yaw nga ilustrasion turi ta mabbalin tu parte na simboliko nga atawa ni Cristo.—2 Cor. 11:2; Nep. 21:2, 9.
Paningannan: Meyusa nga firma gari i paningannan, nga mamakurug nga kukuam i tadday nga gannug, kurug yatun, onu egga nakka-anugutan. Ta situasion na nazelugan ira, “selyadu” ira onu namarkan ira na masanto nga espiritu nga kukua na Dios. (Efe. 1:13, 14) Yaw nga paningannan ay ari nga permanente adde ta tiempo nga matay nga matalo onu adde ta tiempo nige na pamegafu na dakal nga ziga.—Efe. 4:30; Nep. 7:2-4.