Nu mabbibbig ittam tu Biblia, napakaru nga rimienta ta paggigiammu i meyusa tam tapenu mas mantindiattam i bibbibbigattam. Ngem ari ittam laman nga maggigiammu megafu ta kayà tam nga mas mammungan i pakannammu tam. Kayà tam i makaleg tu espiritual ira nga minas meyannung ta personalidad ni Jehova nga makoffun tapenu mas ayatattam yayya. Tapenu makua tam yatun, iyavu tam ta baggi tam, ‘Anni i ituttuddu naw niakan meyannung kani Jehova?’

Awayya tam i magaleg tu ebidensia ira nga mangipasingan ta kappabbaw ira nga kualidad ni Jehova kagitta na aya, ka-uto, hustisia, anna pakapangngua. Ngem ari laman tu yatun ira nga kualidad i mabbuu ta personalidad ni Jehova. Egga paga ira i tanakuan nga makasta nga kualidad na. Sitaw ka makaleg tu mas aru nga informasion meyannung ta kualidad na ira?

Innammu ta Tulong sa Pag-aaral ng mga Saksi ni Jehova i heading nga “Diyos na Jehova” tapus i subheading nga “Katangian ni Jehova.” Tapus maffokus ka ta kualidad ira nga konektadu ta bibbibbigammu ta Biblia.