Nu mittan, mariga nga meraddamman i nagigiammum ira. Ngem ammum kari nu ngatta mabi tam nga manono i ilustrasion ira ni Jesus? Maimajittam gare yatun ira nga kinagi na. Mas aru gapa i meraddammammu ta ginigiammum nu imajinammu i nabibbig mu. Kunnasim kuan yatun? Ta paggigiammum, mad-drawing ka.

Napakurug nga mas mabi nga manono na totolay i ginigiammu da turi ta ni-drawing da yatun. Mas mabi da nga meraddamman i uvovug ira ta binibbig da anna i pinakapunto na ginigiammu da. Simple laman yatun ira nga ni-drawing da. Ari mabba mawag tu kekkasta. Napakurug gapa ta paggigiammu nga makoffun yatun ta mannakam ira.

Ta tumunug nga paggigiammum, puruebammu nga i-drawing i nagigiammum. Magga mas aru i meraddammammu!