Bibbigan i Genesis 37:​23-28; 39:​17-23 tapenu mammuan nu kunnasi nga inattamman ni Jose i kawan na hustisia.

Alippawatan i konteksto. Ngatta marake i pinattratu na tanakuan kani Jose? (Gen. 37:​3-11; 39:​1, 6-10) Kunnasi kabayag nga inattamman ni Jose i kawan na hustisia? (Gen. 37:2; 41:46) Tatun nga tiempo, anni i kingngua ni Jehova para kani Jose, ngem anni gapa i arian na kingngua?—Gen. 39:​2, 21; w23.01 17 ¶13.

Ammuan i aru paga. Awan tu kinagi na Biblia nga nidefensa ni Jose i baggi na kontra ta falsu nga akusasion nisa na atawa ni Potifar. Kunnasi makaduffun i tumunug ira nga teksto tapenu malippawa tam nu ngatta mas pinili ni Jose nga ari ngana laman mattannug onu nu ngatta ariattam ekspektan nga makannammuattam i ngamin nga detalye? (Prov. 20:2; Juan 21:25; King. 21:37) Anni ira nga ugali i nakaduffun kani Jose tapenu maattamman na i kawan na hustisia?—Mik. 7:7; Luc. 14:11; Sant. 1:​2, 3.

Anni ira i magigiammu tam? Iyavu ta baggim:

• ‘Anni ira nga marake nga pattratu i ekspektakku nga maekspiriensa bilang disipulo ni Jesus?’ (Luc. 21:​12, 16, 17; Heb. 10:​33, 34)

• ‘Anni ira i awayyà kuan sangawe tapenu makaprepara nu maka-ekspiriensa ngà tu kawan na hustisia?’ (Sal. 62:​7, 8; 105:​17-19; w19.07 2-7)