TIPS TA PAGGIGIAMMU
Magaleg tu Espiritual nga Minas nga Awayyam Iyaplika
Nu mabbibbig ittam tu Biblia, makaleg ittam tu espiritual ira nga minas gukaban na par-research. Ngem kunnasi ittam nga mas mammakapia tatun?
Ammuan i mas aru paga nga detalye na istoria ira ta Biblia. Angngarigan na, ammuan nu sinni i nattura tatun, para kaninni, anna nu kanni. Anni i paddia-paddian tatun, anni ira i nesimmu nige natun, anna anni ira i nesimmu kabalin natun?
Nonopan i magigiammum gukaban na par-research ta kunnaw ira nga pakkiavu: ‘Anni i natageno na karakter ira tatun nga istoria? Anni ira i kualidad nga nipasingadda? Ngatta parigakku onu lillitakku danatun?’
Iyaplikam i nagigiammum, awayya na nga ta ministerio onu ta pattratum ta tanakuan. Nu kuammu yatun, mabbalikka tu ma-uto, gitta na kagian na Biblia: “Gigiammuan nu danaw paray, sikamu nga ma-uto.”—Sal. 107:43.
-
Tip: Makoffun i parte ta study ta midweek nga Minas ta Uvovug na Dios tapenu manono tam nu kunnasi tam iyaplika i nagigiammu tam. Kanayun nga egga ira i pakkiavu tatun nga awayya tam iyavu ta baggi tam. Egga gapa i punto anna picture ira nga awayya tam pannonopan.