Dakal i responsibilidad na mappagana nga ituddu ta ána da i meyannung kani Jehova. (Efe. 6:4) Tapenu moffunan ira, nangilawan i organisasion ni Jehova tu napakaru nga artikulo, video, anna kansion ira. Kunnasim nga meyusa danatun tapenu sanayan i ána mu?

• Umay ta JW.ORG. Egga tatun i ngamin nga pang-abbarabbing anna pang-kabataan, kasali ngana i video anna worksheet ira nga puede nga turakan. a Tapenu malegan danatun, i-type i “Mga Bata” onu i “Tin-edyer” ta search box.

• Mappili ka tu mebagay ta ana mu. Makoffun nikaw i ngamin nga egga ta seksion nga “Mga Bata” tapenu makapili ka tu video, kansion, anna activity ira nga para ta ana mu. Tapenu malegammu danatun, i-type i “Mga Activity Para sa Pampamilyang Pagsamba.”

• Kammu panawan i ana mu. Kammu nakuan nga usan i video onu i activity ira tapenu laman egga i kuan na. Ipakanawag mu nakuan yatun ta nisa anna uffunammu yayya nga mabbalin tu kofun ni Jehova.