Anni I Kagian na Biblia?
Tabbagan kari na Dios i ngamin nga dasal?
KAGIAMMU KARI NGA . . .
Tabbaganna i pakimallo na ngamin
Tabbaganna i pakimallo na karuan
Awan tu tabbaganna
I KAGIAN NA BIBLIA
“Aranni [si Jehova] ta ngamin nga . . . napafutu i pagagal da.”—Salmo 145:18.
ANNI PAGA I MAMMUATTAM TA BIBLIA?
Ari tabbagan na Dios i paddasal danuri na marrebelde sa. (Isaias 1:15) Ngem awayyada nga ‘itunung i ganna-gannug’ sa gukaban na pangulida.—Isaias 1:18.
Tapenu tabbagan na Dios i pakimallo, kawagan nga mekunnay yatun ta ikikkiddona ira nga mabibbig ta Biblia.—1 Juan 5:14.
Egga kari i mekiddaw nga postura nu maddasal ittam?
KURUGAN NA KARUAN nga mawag tu kanayun ira nga agga-palittukag, agga-kummag, onu agga-dafun nakuan i palagda nu makimallo. Anni makagim?
I KAGIAN NA BIBLIA
Gininna na Dios i pakimallo danuri na “agga-itubang” onu “agga-taddag” onu danuri na “agga-lakag” onu ‘agga-palittukag.’ (1 Cronicas 17:16; 2 Cronicas 30:27; Ezra 10:1; Kingngua 9:40) Arianna ikiddaw i espesipiko nga posision na baggi nu maddasal tam.
ANNI PAGA I MAMMUATTAM TA BIBLIA?
Ginnan na Dios danuri i mapakalinno.—Salmo 138:6.
Awayyam maddasal ta maski anni nga lengguahe, onu maski ta nono laman.—2 Cronicas 6:32, 33; Nehemias 2:1-6.
