Sigga-pagayaya nga Makkansion!
“I makkansion tu paddaya-rayaw ta Dios tam ay mapia.”—SAL. 147:1.
KANSION: 9, 138
1. Anni i efekto nittam na pakkansion?
KINAGI na tadday nga popular nga mattura tu liriko na kansion: “I uvovug ay mamappanono. I musika ay mangipatageno. Ngem i kansion ay mangipatageno tu pannonopan.” Anni paga i kapianan nga matageno tam anne ta pangikagi tu dayaw anna aya ta nelangitan nga Yama tam, nga si Jehova? Yatutta importante nga aspeto na kurug nga paddayaw i pakkansion, maski nu magitetadday ittam nga makkansion onu nu kavulu tam i wawwaragi ta kongregasion.
2, 3. (a) Anni i matageno na karuan meyannung ta pakkansion tu masikan ta kongregasion? (b) Anni ira nga pakkiavu i ikonsidera tam?
2 Anni gafu i matageno mu ta pakkansion tu masikan ta kongregasion? Mappasirakka kari? Ta tanakuan nga kultura, ari komportable nga makkansion i lallaki ta publiko. Makafekto yaw nga pagimamma ta interu nga kongregasion, netallugaring nu magalangan makkansion i elder ira onu egga i isisibada nga kuan durante nga makkansion i kongregasion.—Sal. 30:12.
3 Nu talaga ikonsidera tam nga parte na paddayarayaw i pakkansion, siguradu nga ariattam nga manaw onu ari presente tatun nga parte na programa. Yatutta, iyavu na kada tadday ta baggina: ‘Kunnasì imammatan i pakkansion ta study ira? Kunnasì alsan i pagalangan nga mangifugag niakan nga makkansion tu
sigga-pagayaya? Anni i makuà tapenu napafutuan nga mekansion i kansion ira?’PAKKANSION—IMPORTANTE NGA PARTE NA KURUG NGA PADDAYAW
4, 5. Kunnasi kadakal i unnug ira para ta pakkansion tu paddayaw ta Israel gari?
4 Nabayag ngana nga usan na matalo ira nga aripan ni Jehova i musika tapenu dayawan yaya. Kada matalo nga masserbi i Israelita ira gari kani Jehova, kanayun nga parte na paddayoda i pakkansion. Angngariganna, ta pappreparada nga masserbi ta templo, nangorganisa si Patul David tu 4,000 nga Levita tapenu mangipresenta tu musika ta paddayaw. Nelagum taw i 288 nga “nasanay ta kansion kani Jehova” anna “ngamin ay eksperto.”—1 Cro. 23:5; 25:7.
5 Ta inagurasion na templo, importante nga parte i musika anna pakkansion. Kagian na rekord: “Turi ta maggiriddang nga maddayaw anna mappabalo kani Jehova danuri mappatugtug tu trumpeta anna taga-kansion, anna durante nga iyassikadda i pamaguni tu trumpeta, ta pompiang, anna ta tanakuan paga nga instrumento ta musika ta paddayoda kani Jehova, . . . napannu tu gloria ni Jehova i balay na kurug nga Dios.” Talaga makapatuyag tu pangurug yatun nga okasion!—2 Cro. 5:13, 14; 7:6.
6. Kunnasi i espesial nga pakkansion ta tiempo na pammaguray ni Nehemias bilang gobernador ta Jerusalem?
6 Turi ta nirollu ni Nehemias i matalo nga Israelita ira gari ta pamataddag uli ta pader na Jerusalem, inorganisana gapa i Levita ira nga makkansion anna egga i megiddan nga mappatugtug tu instumento ira. Ta dedikasion na napataddag uli nga pader, dakal i neyuffun na espesial nga musika ta pagayaya na okasion. Taw nga tiempo, egga gapa i “dua nga darakal nga koro na pappabalo.” I dua nga koro ay mallakag ta makka-abbagan nga direksion, tapus massimmu ira ta pader aranni ta dian na templo tapenu maginna i pakkansiodda adde ta ararayyu. (Neh. 12:27, 28, 31, 38, 40, 43) Siguradu nga magayaya si Jehova nga ginnan i maddayarayaw sa nga magaya-ayaya nga makkansion para sa.
7. Kunnasi nipasingan ni Jesus i importansia na pakkansion ta Cristiano nga paddayaw?
7 Ta kepataddag na Cristiano nga kongregasion, importante lagapa nga parte na kurug nga paddayaw i musika. Ta pinaka-importante nga gabi ta historia na totolay, kabalin na Pamugag na Yafu, nilavu ni Jesus i pakkansion.—Bibbigan i Mateo 26:30.
8. Kunnasi nangiyawa tu ehemplo i ollu-siglo ira nga Cristiano ta pakkansion?
8 Nangipasingan tu ehemplo i ollu-siglo nga Cristiano tu grupo nga pakkansion tapenu dayawan i Dios. Maski nu kanayun ta pribadu nga balay i paggarammammungadda, ari nga namakkafi ta talikaragda nga makkansion para kani Jehova i simple nga lugar. Nainspiran si apostol Pablo nga pagaramman i Cristiano nga wawwaragina: “Makkataba-tabarang anna makkatuddu-tuddu kamu ta kurug nga ka-uto. Makkansiok-kamu ta salmo anna imno ira, tuange ta nespirituan ira nga kansion. Kuan nu yaw ta napafutuan anna sigga-pabbala-balo ta Dios.” (Col. 3:16) I kansion ira ta libru nga pakkansionattam ay talaga “nespirituan ira nga kansion” nga makansion tu “sigga-pabbala-balo.” Parte danatun na espiritual nga makan nga naggafu ta “mekatalo anna nannono nga doroban.”—Mat. 24:45.
PANGALSA TA MAKEFUGAG IRA TA PAKKANSION
9. (a) Anni i makefugag ta karuan tapenu sigga-pagayaya nga makkansion ta study anna asembli ira? (b) Kunnasi tam nakuan makkansion tu paddayaw kani Jehova, anna sinni nakuan i mangiyorollu? (Innan i letratu ta gafu na artikulo.)
9 Kunnasi nu ari nga neyugalian i pakkansion ta familia, kultura, onu pallevunu? Megafu ta moderno nga teknolohia, baka mas Ezra 3:11; bibbigan i Salmo 147:1.) Ta maddaggun, ta aru nga Kingdom Hall, mepasingan i liriko na kansion ira ta telebision, nga makoffun nittam tapenu makapakkansion tu mapia. Makapa-interes gapa nga nabbalin ngana tu parte na Kingdom Ministry School nga kurso na elder ira i kansion para ta Pappatulan. Ipatalatto naw i pakawagan para ta elder ira nga iyorollu i pakkansion ta kongregasion.
maganas para nittam nga ginnan i profesional ira nga makkansion. Ngem awayyana tu ipasirammu onu madismaya ka nu ikumparam i boses mu ta magigiraw onu maginnam ira ta telebision onu radio. Ngem, ari nakuan nga makefugag yatun ta responsibilidad mu nga makkansion tu paddayaw kani Jehova. Imbes tu kunnatun, vukatammu i librum nga pakkansionan, itangag mu i ulum, anna napafutuan nga makkansion! (10. Anni i daddammattam nu maganassing ittam nga makkansion tu masikan?
10 I tadday nga rason nu ngatta ari makkansion tu masikan i karuan ay megafu ta assing. Puede nga maganassing ira nga mereruma onu baka sintunadu ira. Ngem, daddammattam nga nu maguvovug ittam, “sittam ngamin ay maruddu nga makaliwa.” (Sant. 3:2) Ngem, ari ittam mafugaddan natun nga mabbida onu magergo. Yatutta, ngatta ipamavuluttam nga fugaddan ittam na imperfekto nga boses tam nga makkansion tu paddayaw kani Jehova?
11, 12. Anni ira i suhestion tapenu mapakasta tam i pakkansiottam?
11 Awayyana nga magalangan ittam nga makkansion megafu ta ariattam ammu nu kunnasi i makkansion. Ngem, mapakasta tam i pakkansiottam gukaban na pangiyaplika ta simple ira nga suhestion. *
12 Magigiammum i makkansion tu masikan anna magallu gukaban na fustu nga paginango. Nu kunnasi nga maggana i bombilia megafu ta kuryente, iddan gapa na paginango tu enerhia i boses mu nu mabbida Sal. 33:1-3.
onu makkansiokka. Makkansiokka nakuan tu masikan kagitta na paguvovug mu onu mas masikan paga anne tatun. (Innan i suhestion ira nga malegan ta Makinabang sa Edukasyon Mula sa Paaralang Teokratiko Ukol sa Ministeryo, pahina 181 adde ta 184, ta subtitulo nga “Kontrolin Nang Wasto ang Iyong Suplay ng Hangin.”) Ta kakuruganna, ta konteksto na pakkansion tu paddayaw, nu mittan kagian na Katurakan ta maddayarayaw kani Jehova nga ‘sigga-pagayaya nga makkulle.’—13. Iyesplika nu kunnasi ka nga mas makkomfiansa ta pakkansion.
13 Ta paddayarayaw na familia onu maski nu magitetadday ka, purueban yaw: Pilian i tadday ta paboritom nga kansion ta libru tam. Ivuyà mu i liriko tu masikan anna sigga-komfiansa nga boses. Tapus, bibbigammu i tadday nga linia ta parehu nga sikan na boses ta tadday nga paginango. Tapus kansionan yatun nga linia gukaban na parehu nga sikan na boses. (Isa. 24:14) Makasta yatun megafu ta mas mabbuu i boses mu ta pakkansion. Ariammu maganassing onu mappasirang ta boses mu!
14. (a) Anni paga i kuattam tapenu makapakkansion tu mapia? (Innan i kahon nga “ Nu Kunnasi Mapakasta i Pakkansiommu.”) (b) Anni ira nga suhestion meyannung ta problema ira ta pakkansion i praktikal para nikaw?
14 Ariammu makapakkansion tu mapia nu awan tu espasio ta simu mu. Yari tu tadday paga nga suhestion i pangivuka tu mapia ta simu mu anne ta normal nga paguvovug mu. Anni nakuan i kuammu nu matageno mu nga mababa i boses mu onu matining? Makaleg ka tu praktikal ira nga suhestion taw nga problema ta Makinabang sa Edukasyon Mula sa Paaralang Teokratiko Ukol sa Ministeryo, pahina 184, ta kahon nga “Pananagumpay sa Espesipikong mga Suliranin.”
NAPAFUTUAN NGA MAKKANSION TU PADDAYAW
15. (a) Anni i neyanunsio turi ta 2016 zinagun nga miting? (b) Anni i gakkag ira na bagu nga libru nga pakkansionan?
15 Makapagayaya i 2016 zinagun nga miting na Watch Tower Bible and Tract Society of Pennsylvania turi ta niyanunsio ni Brother Stephen Lett na Manangngal nga Baggi i bagu nga libru nga pakkansionan nga meyusa “Sing Out Joyfully” to Jehovah. Niyesplika ni Brother Lett nga i tadday nga gakkag na panguli ay tapenu mekunnay i kansion ira ta narebisa nga New World Translation of the Holy Scriptures. Para ta karuan nga lengguahe, nalsa onu narebisa i liriko ira nga nangiyusa tu ekspresion ira nga ari ngana nga mabibbig ta New World Translation megafu ta 2013 nga rebision. Neyammung paga i bagu ira nga kansion meyannung ta pallayyagayya anna kansion nga mangikagi tu appresasiottam ta tavvu. Megafu gapa ta importante nga parte na paddayaw tam, nangilawan i Manangngal nga Baggi tu de-kalidad nga libru nga parehu i vungun ta narebisa nga New World Translation.
ta study ira—i16, 17. Anni ira nga panguli i nakua ta bagu nga libru nga pakkansionan?
16 Tapenu mabi nga meyusa i “Sing Out Joyfully” to Jehovah, naayus i kansion ira segun ta topiko. Angngariganna, meyannung kani Jehova i ollu nga 12 nga kansion, i tumunug nga walu ay meyannung kani Jesus anna ta tavvu, anna karuan paga nga topiko. Angngariganna, egga i indise na topiko ira nga makoffun nu mappili tu kansion para ta palappa.
17 Tapenu moffunan i ngamin nga napafutuan nga makkansion, narebisa i karuan nga liriko tapenu mabbalin tu mas manawag i kayàna kagian anna alsan i uvovug ira nga ari ngana kuruga nga meyusa. Angngariganna, i Tagalog nga termino nga “balakyot” ay ari ngana kuruga nga meyusa ta maddaggun, yari tu natalianan. Natalianan gapa i titulo nga “Laksa-laksang Kapatiran” tu “Ang Ating Buong Kapatiran,” anna noli pati i lirikona. Talaga makonsiderasion i panguli ta titulo nga “Ingatan Mo ang Iyong Puso” tu “Bantayan ang Ating Puso.” Ngatta? Aru i magatende ta study tam ira, asembli, anna ta kombension ira nga babbaragu, interesadu, mabbing anna sister ira nga makkansion ta uvovug ira nga ari komportable nga manabarang ta tanakuan nu anni i kuadda. Yatutta noli i titulo anna liriko natun.
Ensayuan i kansion ira ta paddayarayaw na familia (Innan i parapo 18)
18. Ngatta kabisaduattam nakuan i kansion ira ta bagu nga libru tam nga pakkansionan? (Innan i footnote.)
18 Aru nga kansion ira ta “Sing Out Joyfully” to Jehovah ay ta forma na pakimallo. Gukaban naw ira nga kansion, awayyam ikagi i personal nga mataga-tageno mu kani Jehova. Uffunan ittam na karuan nga kansion nga “mangipasingan ta aya anna pangngua ta mapia.” (Heb. 10:24) Siguradu nga kayà tam nga kabisaduan i tonada, ritmo, anna liriko na kansiottam ira. Makuam yatun gukaban na pagginna ta vocal rendition nga malegan ta jw.org. Gukaban na passanay ta kansion ira ta baletam, awayya tam magigiammu nga kansionan yatun ira nga sigga-komfiansa anna napafutuan. *
19. Kunnasi nga direkta nga makelagum i ngamin ta kongregasion ta paddayaw kani Jehova?
19 Daddamman nga importante nga parte na paddayaw tam i pakkansion. Gukaban natun, mepasingattam i dakal nga pangaya anna appresasion kani Jehova. (Bibbigan i Isaias 12:5.) Nu sigga-pagayaya ka nga makkansion, mapeggan gapa tu komfiansa nga makkansion i tanakuan. Siguradu nga ngamin ta kongregasion—mabbing, mannakam, anna i babbaragu nga interesadu—ay makelagum taw nga klase na direkta nga paddayaw kani Jehova. Yari tu ariammu fugaddan i baggim nga napafutuan nga makkansion. Tuttulan lallagu i manawag nga direksion na nainspiran nga salmista: “Makkansiok-kamu ta YAFU!” Wan, sigga-pagayaya nga makkansion!—Sal. 96:1.
^ par. 11 Para ta aru paga nga informasion nu kunnasi pakastan i pakkansion, innan i Disiembre 2014 nga vinulan nga programa na JW Broadcasting (ta kategoria na video nga FROM OUR STUDIO).
^ par. 18 Tapenu magganas ittam ta pakkansion, mevuka i kada sesion na programa ta kombension anna asembli gukaban na tadday nga mafulu-minuto nga music presentation. Nerekord danaw nga orkestra tapenu meprepara i futu anna nono tam ta tumunug nga programa. Yatutta, naka-itubang tam nakuan ngana ta gafu natun anna ginnan tu mapia yatun ira nga musika nga programa.