“Maggutu Ka . . . anna Mattrabahu Ka”
“Maggutu ka anna mappakatuyag ka anna mattrabahu ka. Ariammu maganassing onu matantalaw, megafu ta si Jehova . . . ay egga nikaw.”—1 CRO. 28:20.
KANSION: 60, 29
1, 2. (a) Anni i importante nga annungan i nalawà ni Solomon? (b) Ngatta navurung si David meyannung kani Solomon?
NEDDAN tu instruksion si Solomon nga mangiyorollu ta pinaka-importante nga proyekto na pataddag ta interu historia—i templo ta Jerusalem. Yatun nga pataddag ay “kuruga kakkasta, tapenu i dayaw anna kastana ay melammuyag ta ngamin nga davvun.” Pinaka-importante, “balay nga mepataddag para kani Jehova” yatun nga templo. Sinunno ni Jehova si Solomon nga mangiyorollu tatun nga proyekto.—1 Cro. 22:1, 5, 9-11.
2 Makkomfiansa si Patul David ta suporta na Dios, ngem si Solomon ay “mabbing paga anna awan tu ekspiriensana.” Egga kari i sikan na nonona nga ipataddag i templo? Makefugag kari i edadna onu kawanna tu ekspiriensa? Tapenu metuppalna yatun, kawagan ni Solomon nga maggutu anna mattrabahu.
3. Anni i nagigiammu ni Solomon ta kinagutu na yamana?
3 Siguradu nga nagigiammu ni Solomon i kinagutu ta mismu nga yamana. Ta kabbing ni David, kinillabanna i simaron ira nga ayam nga nangatake ta karneru na yamana. (1 Sam. 17:34, 35) Talaga nipasinganna i kinagutu turi inarubanna i malalaki-makiggerra nga higante. Wan, gukaban na uffun na Dios anna na pinakafinu nga batu, naffu ni David si Goliat.—1 Sam. 17:45, 49, 50.
4. Ngatta kawagan ni Solomon nga maggutu?
4 Talaga mepangngo laman i pinamagaram ni David kani Solomon nga maggutu anna ipataddag i templo! (Bibbigan i 1 Cronicas 28:20.) Nu nakkafi i nono ni Solomon, pakkafian yaya na assinna, anna mas marake yatun anne ta paffaliuna.
5. Ngatta kawagattam i kinagutu?
5 Kagitta ni Solomon, kawagattam i uffun ni Jehova tapenu maggutu anna makumpleto i trabahu. Awayya tam gapa daddamman i nappasa ira nga ehemplo na kinagutu. Tapus nonopattam nu kunnasi makepasingan tu kinagutu anna tuppalan i trabahu tam.
EHEMPLO IRA NA KINAGUTU
6. Anni i kayà mu ta kinagutu ni Jose?
6 Ikonsidera i kinagutu nga nipasingan ni Jose turi ta sinenta yaya na atawa ni Potifar nga mangngua tu seksual nga imoralidad. Ammuna nga marake i resultana nu mammanaki yaya. Maski kunnatun, imbes nga umanugu, pinasikanna i nonona anna insigida nga nammanaki yaya.—Gen. 39:10, 12.
7. Iyistoria i kinagutu ni Rahab. (Innan i letratu ta gafu na artikulo.)
7 Tadday paga nga ehemplo si Rahab. Turi ta minay i espiya ira nga Israelita ta balena ta Jerico, naganassing nakuan yaya anna pinapanaw ira. Ngem megafu ta mattiwala yaya kani Jehova, magutu nga nitaguna yatun nga dua nga lalaki anna inuffunanna ira nga makatammang. (Jos. 2:4, 5, 9, 12-16) Mangurug si Rahab nga si Jehova i kurug nga Dios, anna nattalo yaya nga iyawana gabbalaman i davvun ta Israelita ira. Arianna nipamavulun i assing ta tolay, nelagum ngana i patul na Jerico anna i totolena, nga pakkafian yaya. Nagguyu lallagu yaya nga narresulta ta kepaliagna anna na familiana.—Jos. 6:22, 23.
8. Anni i efekto na kinagutu ni Jesus ta apostoles?
8 Nangipasingan tu makasta nga ehemplo na kinagutu i matalo nga apostoles ni Jesus. Nemammatadda i kinagutu ni Jesus. (Mat. 8:28-32; Juan 2:13-17; 18:3-5) Nakoffun yatun nga ehemplo tapenu maggutu ira. Turi ta kontran na Saduceo ira i apostoles, ariadda nagimmang nga manuddu meyannung ta ngagan ni Jesus.—King. 5:17, 18, 27-29.
9. Kunnasi makoffun i 2 Timoteo 1:7 tapenu mammuattam nu sitaw i paggafuan na kinagutu?
9 Nipasingan da Jose, Rahab, Jesus, anna apostol ira i sikan na nono nga namaguyu nira nga kuan i mapia. Yaw nga kinagutu ay ari tu sobra nga pakkomfiansa. Megafu yatun ta pattaloda kani Jehova. Meparubang tam gapa ta situasion ira nga kawagan i kinagutu. Imbes nga mattiwala ta baggi tam, mattalo tam nakuan kani Jehova. (Bibbigan i 2 Timoteo 1:7.) Ikonsidera tam i dua nga aspeto na pattolay nu sitaw kawagattam i kinagutu: ta familia tam anna ta kongregasion.
SITUASION IRA NGA KAWAGAN I KINAGUTU
10. Ngatta kawagan na kabataan ira i kinagutu?
10 Meparubang i kabataan ira ta situasion ira nu sitaw kawagadda i mangipasingan tu kinagutu tapenu passerbian si Jehova. Makagigiammu anna maparigadda i ehemplo ni Solomon ta pangipasinganna tu kinagutu ta paddesision nga masirib tapenu mabalinna i pappataddag na templo. Maski makalawa tu giya i kabataan ira ta maganada, egga lagapa i importante ira nga paddesisionadda. (Prov. 27:11) Kawagadda i magutu nga paddesision meyannung ta makasta nga pakikavulu, mepangngo nga dibersion, kinarenu ta moral, anna bawtismo. Ngatta? Megafu ta i kunnatun ira nga desision ay mekontra ta uray ni Satanas, i tadday nga manutturia ta Dios.
11, 12. (a) Kunnasi nangipasingan tu makasta nga ehemplo ta kinagutu si Moises? (b) Kunnasi maparigan na kabataan ira i ehemplo ni Moises?
Heb. 11:24-26) Narresulta yatun ta bendision ni Jehova tatun nga tiempo, anna siguradu nga aru paga nga bendision i malawa ni Moises ta mappange.
11 Tadday nga importante nga paddesisionan na kabataan ira i meyannung ta addetadda ira. Ta karuan nga nasion, mafuersa i kabataan ira nga isentro i addetadda ta atannang nga edukasion anna dakal nga sueldu. Ta karuan gapa, megafu ta ziga, baka matagenoda nga kawagadda i maffokus ta panguffun ta familiada ta material. Nu kunnatun i situasiommu, nonopan i ehemplo ni Moises. Pinadakal yaya na ana nga babay ni Faraon, yatutta puede nakuan nga mabbalin yaya tu prominente onu mariku. Siguradu nga pinilit gapa yaya na familiana nga Ehipsio, mestruna, anna gumattabarang ira nga kuan yatun! Imbes nga maganassing, pinasikanna i nonona nga itaddaggan i marenu nga paddayaw. Kabalinna nga nilikuran i kinariku na Ehipto, magutu nga nammakatalo si Moises kani Jehova. (12 Bendisionan gapa ni Jehova danuri kabataan nga mappursigi ta addetadda ta passerbi sa anna pagolluan i interes na Pappatulan ta pattoleda. Uffunanna ira ta pakawagan na familiada ira. Turi ollu-siglo, naffokus i kabataan nga si Timoteo ta espiritual ira nga addetan, anna makuam gapa yatun. *—Bibbigan i Filipos 2:19-22.
Determinadu ka kari nga maggutu ta ngamin nga aspeto na pattolem? (Innan i parapo 13-17)
13. Kunnasi nakoffun ta tadday nga kabataan nga sister i sikan na nono tapenu magawa i addetanna ira?
13 Tadday nga sister ta Alabama, U.S.A. i magawag tu sikan na nono tapenu mapeggan tu espiritual ira nga addetan. Niturana: “Abbing ngà pagalaman, minappasirang ngà ngana. Apenas nga makistoria ngà ta Kingdom Hall, mas ngana nu mattotto ta puerta na estrangheru ira.” Gukaban na uffun na maganana anna na kakongregasionna, nagawa naw nga kabataan i addetanna nga mabbalin tu regular payunir. Kunna: “Ipagaram na mundo ni Satanas nga makasta nga addetan i atannang nga edukasion, kinaprominente, kinariku, anna kapeggan tu aru nga material. Maruddu nga mariga nga magawa anna mangiyawa laman tu stress anna mamattaki ta nono danatun nga addetan. Ngem, talaga magayaya ngà megafu ta passerbì kani Jehova anna matageno ku nga egga i makasta nga nattuppalakku.”
14. Anni ira nga situasion nga kawagan na magana ira i kinagutu?
14 Kawagan gapa na magana ira i kinagutu. Angngariganna, baka kanayun nga ikiddaw na boss mu nga magovertime ka kada gabi anna ta weekend—tiempo nga neyiskediul para ta paddayarayaw na familia, ministerio, anna study ira. Kawagan nga maggutu nga pammanakitan i kunnatun ira anna mangipasingan tu makasta nga ehemplo ta ána mu. Onu egga i magana ira ta kongregasion nga ipamavuludda i ánada nga kuan i gannug ira nga ariammu kayà para ta ána mu. Baka iyavuda nu ngatta manaki mu nga isali i ana mu ta kunnatun ira nga aktibidad. Magutu anna mataktika ka kari nga iyesplika i rason ta desisiommu?
15. Kunnasi makoffun ta magana ira i Salmo 37:25 anna Hebreo 13:5?
15 Makepasingattam tu kinagutu nu uffunattam i ána tam nga mapeggan tu espiritual ira nga addetan anna gawatan danatun. Angngariganna, magalangan i magana ira nga ipagaram ta anada i pappayunir, passerbi nu sitaw dakal i pakawagan, passerbi ta Bethel, onu pabboluntario ta konstruksion. Maganassing ira nga awan tu manangngaw Salmo 37:25; Hebreo 13:5.) Makepasingakka paga tu sikan na nono anna pattalo kani Jehova nu uffunammu i ana mu nga ipasingan gapa yatun.—1 Sam. 1:27, 28; 2 Tim. 3:14, 15.
nira nu mabbako onu mallakay ngana ira. Ngem, ipasingan na masirib nga magana i kinagutu anna pattaloda ta promesa ira ni Jehova. (Bibbigan i16. Kunnasi inuffunan na karuan nga magana i ánada tapenu mapeggan tu espiritual nga addetan, anna anni ira i benefisio natun?
16 Inuffunan na magatawa ta United States i ánada nga mapeggan tu espiritual ira nga addetan. Niyesplika na yama: “Nige paga makabida anna makalakag na ánami, istoriammi nira i pagayaya na pappayunir anna passerbi ta kongregasion. Yatun ngana gapa i goal-da. Makoffun i kapeggan anna paggawa ta espiritual ira nga addetan tapenu malabanan i pamipilit na sistema ni Satanas anna makapaffokus ta talaga importante—si Jehova.” Kunna gapa na brother nga dua i anana: “Aru nga magana i fermi nga mappursigi anna maggastu tu dakal tapenu madde na ánada i goal-da ira ta isports, dibersion, anna edukasion. Mas paga nakuan gafu nga fermi nga mappursigi anna maggastu ta panguffun ta ána tam nga gawatan i addetadda ira tapenu mapattalupaddiadda i makasta nga sinaddag kani Jehova. Talaga makapagayaya ari laman nu masingammi i ánami nga gawatadda i espiritual ira nga addetadda, nu ari, mabenefisiowakkami gapa nga kagittada.” Makasiguradu ka nga bendisionan na Dios danuri magana nga manguffun ta ánada nga mapeggan anna gawatan i espiritual ira nga addetadda.
KINAGUTU TA KONGREGASION
17. Mangiyawa tu ehemplo na kinagutu ta kongregasion.
17 Kawagan gapa nga mangipasingan tu kinagutu ta kongregasion. Angngariganna, mawag na elder ira i kinagutu nu mangasikasu tu hudisial ira nga gannug onu uffunan danuri meparubang ta mamappeligro ta inango nga medikal nga emergency. Bisitan na karuan nga elder i affukutan tapenu mangiyawa tu espiritual ira nga pakawagan na presu ira. Kunnasi gapa danuri single ira nga sister? Aru ngana i oportunidad nira nga palawan i ministerioda gukaban
na pappayunir, pagali nu sitaw mas dakal i pakawagan, pattrabahu ta programa na Local Design/Construction, anna pagaplay ta School for Kingdom Evangelizers. Nembita paga i karuan ta Gilead School.18. Kunnasi makepasingan tu kinagutu i manakam ira nga sister?
18 Bendision ta kongregasion danuri manakam nga babbay. Talaga iddukattam yaw ira nga meddu nga sister! Limitadu ngana i makua na karuan nira ta passerbi ta Dios, ngem mattattrabahu lagapa ira anna mangipasingan tu kinagutu. (Bibbigan i Tito 2:3-5.) Angngariganna, mawag na tadday nga manakam nga sister i kinagutu tapenu kiyuvovugan i tadday nga mabbing nga sister meyannung ta mepangngo nga assissinnun. Arianna poryan i sister megafu ta assissinnunna, ngem pagarammanna i kabataan nga ikonsidera nu kunnasi makafekto ta tanakuan i assissinnunna. (1 Tim. 2:9, 10) Positibo i resulta na kunnatun ira nga meddu nga pangikavurung.
19. (a) Kunnasi maggutu i bawtisado ira nga brother? (b) Kunnasi makoffun ta brother ira i Filipos 2:13 anna i 2 Corinto 4:7 tapenu maggutu?
19 Kawagan gapa na bawtisado ira nga brother i kinagutu anna mattrabahu. Bendision ta kongregasion danuri lallaki nga sigga-paran nga mangalawa tu mas aru nga responsibilidad. (1 Tim. 3:1) Ngem manaki na karuan nga gumawa. Awayya nga nakaliwa i tadday nga brother ta nappasa, tapus matagenona nga ari yaya mepangngo nga mabbalin tu ministerial onu elder. Egga gapa tanakuan nga brother nga makatageno nga kurang i abilidadna tapenu tuppalan i asaymentna. Nu matageno mu yatun, uffunannaka ni Jehova nga maggutu. (Bibbigan i Filipos 2:13; 2 Corinto 4:7.) Daddamman nga natageno gapa ni Moises nga ari yaya kualipikadu ta tadday nga asayment. (Ex. 3:11) Ngem, inuffunan yaya ni Jehova, anna turi kua, naggutu yaya nga balinan i trabahu. Mapeggan gapa tu kinagutu i tadday nga bawtisado nga brother gukaban na napafutuan nga pakimallo ta Dios anna inaggaw nga pabbibbig tu Biblia. Makoffun gapa i monag nga pannono ta rekord ira na kinagutu. Mapakalinno nga ikiddona ta elder ira nga sanayadda yaya anna sigga-paran nga manguffun ta maski anni nga pakawagan. Pagarammammi i ngamin nga bawtisado nga lallaki nga maggutu anna mallallappo para ta kongregasion!
“SI JEHOVA . . . AY EGGA NIKAW”
20, 21. (a) Anni i nipasiguradu ni David kani Solomon? (b) Ta anni ittam makapattiwala?
20 Niperaddam ni Patul David kani Solomon nga egga sa si Jehova adde ta mabalinna i pappataddag tu templo. (1 Cro. 28:20) Megafu ta nepatalatto ta nono anna futuna i kinagi na yamana, ari nipamavulun ni Solomon nga makefugag i edadna anna kawanna tu ekspiriensa. Talaga magutu yaya, nattrabahu, anna megafu ta uffun ni Jehova nabalinna i makapabbaw nga templo ta unag na pitu-gaddua ragun.
21 Kagitta na pinanguffun ni Jehova kani Solomon, uffunanna ittam nga maggutu anna tuppalan i trabahu tam, ta familia anna ta kongregasiottam. (Isa. 41:10, 13) Nu mangipasingan ittam tu kinagutu ta paddayaw kani Jehova, makapattiwala ittam ta bendisionna ta maddaggun anna ta mappange. Yatutta, “maggutu ka . . . anna mattrabahu ka.”
^ par. 12 Tapenu mapeggakka tu espiritual ira nga addetan, egga ira i praktikal nga suhestion ta artikulo nga “Gamitin ang Espirituwal na mga Tunguhin Upang Luwalhatiin ang Iyong Maylalang,” ta Hulio 15, 2004 nga isyu na Ang Bantayan.