NU KUNNASI NGA MALSA I LUSSAW
2 | Ari Ka nga Mangibalo
I Kagian na Biblia:
“Arian nu nga ibalo i marakay nga makua nikamu. . . . Kuan nu ngamin i adde na awayya nu nga makillivu-livu ta memammo ta ngamin nga totolay. . . . Ari kamu vuluvuga nga mangibalo. . . . Ta kagian na Masanto nga Tura, ‘I pangibalo ay egga niakan. Sakan noka i mangibalo, kun-na Yafu.’”—ROMA 12:17-19.
I Kayà Na Kagian:
Nu naagrabyadu ittam, natural laman nga makaporay ittam, ngem manaki na Dios nga mangibalo ittam. Ikaya na nga innaggattam yayya ta aranni na ngana nga itunung i ngamin nga kawan na hustisia.—Salmo 37:7, 10.
I Makuam:
Nu mangibalo i imperfekto nga totolay, marresulta laman yatun ta lussaw. Ari ka gafu mangibalo nu natakitan onu naagrabyadu ka. Mabbalikka tu kalmadu anna gaggaddammu i baggim. Nu karuan, mas makasta ngana laman nga palampasammu i nesimmu. (Proverbio 19:11) Ngem nu kawagan, awayyam ireport i nesimmu. Angngarigan na, nu biktima naka na tadday nga krimen, awayyam ireport yatun ta pulis onu ta karuan paga nga egga autoridad na.
Siko gabbalaman i maffu nu mangibalo ka
Kunnasi nu ari tu mala ta areglo i problema? Onu kunnasi nu kiningnguam ngana i ngamin tapenu memammo nga masolba yatun? Ari ka lapa mangibalo ta mas marrake laman i situasion nu kuammu yatun. Alsammu ngana i lussaw nga mataga-tageno mu. Italo mu ta Dios i problemam. “Mammakatalo ka sa ay uffunan naka.”—Salmo 37:3-5.
Baka Kaya Mu Gapa i
PAKASTAN NA BIBLIA I PATTOLAY
Kayà Ku Labanan i Pangireruma
Nakisali si Rafika ta grupo nga kontra ta pangireruma ta lahi. Ngem nammuanna nga i Pappatulan na Dios laman i makeyawa ta imammo anna hustisia nga nepromesa ta Biblia.
PAKASTAN NA BIBLIA I PATTOLAY
Mapawan Kari na Aya i Lussaw?
Mariga nga malsa i pangireruma. Ammuan nu kunnasi nga nalsa yatun na tadday nga Judio anna tadday nga Palestino.
