Nu egga i taki ta mental na kofuttam, awayya na nga kattam ammu i kuattam. Ngem mepasingattam i pangikavuruttam ta nisa nu duffunattam yayya ta pangarubanna ta taki na. Kunnasi?

“Mawag tu sigga-parak-kamu nga magginna.”—SANTIAGO 1:19.

I pagginnam ta kofummu i tadday ta kakastan nga makuam tapenu maduffunammu yayya. Kammu mawag nga tabbagan i ngamin nga kagian na. Ipatageno mu nisa nga maggigginna ka anna ikavurungammu yayya. Alippawatammu i mataga-tageno na, ari ka insigida nga makkonklusion, anna arim yayya nga husgan. Awayya na nga egga i makagi na nga ari na nga sadya nga ibabawi na gabbalaman.—Job 6:2, 3.

“Pasikannan nu i nono na makafi i nono da.”—1 TESALONICA 5:14.

Awayya na nga mavuru-vurung i kofummu, onu nonopan na nga awan tu sesserbi na. Maski nu ariammu ammu i mawag nga kagiammu, ipasiguradum ta nisa nga ikavurungammu yayya tapenu mabanna-bannayammu yayya anna mapasikammu i nono na.

“I kurug nga kofun ay mangipasingan tu aya ta ngamin nga tiempo.” —PROVERBIO 17:17.

Mangiyawa ka tu praktikal nga uffun. Imbes tu lavvunammu nu anni i mawag na, mas makasta  nu iyavu mu sa. Nu mazigatan yayya nga iyesplika nu anni i mawag na, puruebammu i mas-suggest tu awayya nu nga kuan, kagitta na pallalakag. Awayyam gapa yayya nga vulungan nga mamalengke, mappakarenu, onu ta karuan paga.—Galacia 6:2.

“Pasa-pasensian nu ira.” —1 TESALONICA 5:14.

Nu mittan, baka manaki na kofummu i magistoria. Ipasiguradum ta nisa nga sigga-parakka nga magginna sonu ikaya na ngana i magistoria. Megafu ta taki na, awayya na nga matakitan naka ta kakkagian onu kukukuan na. Awayya na nga magaburidu yayya onu ibabawi na i nattratuan nu. Ta panguffummu nisa, pasa-pasensian anna alippawakammu yayya.—Proverbio 18:24.

“Siniguradù nga puede nà nga pakikuragan. Kakku ammu i solusion ta problema na ira, ngem kanayun ngà lapa magginna ta kagian na. I mawag na lang mabba e egga i magginna ta nisa tapenu makkasta i panageno na.”—Farrah, a egga i eating disorder, anxiety disorder, anna clinical depression na kofun na.

“Masissippo anna positibo i tadday ta kofukku. Mittan, inagalan nà nga kuman ta balay da. Gafu ta masissippo yayya, nekagì nisa i mataga-tageno ku. Napasikan ngà tatun!”—Ha-eun, egga i clinical depression na.

“Mawag talaga i mappasa-pasensia. Nu egga i makua ni bako ku nga manaki ku, nonopakku nga nakua na laman yari gafu ta taki na. Ari ngà ngana nukua makaporay anna pasa-pasensiakku yayya.”—Jacob, egga i clinical depression ni bako na.

“Daka-dakal nga suporta anna banna-bannay i iyayawa nio ni bako ku. Nu fermi i vuru-vurukku, kanna ifersa nga kuakku i manaki ku. Nu mittan, kanna lallagu nga makua i ikaya na nakuan nga kuan. Iddeddu ku yayya ta minassakrifisio yayya anna ari yayya nga makasarili.”—Enrico, egga i anxiety disorder na.