Anni i Iddanama na Natay Ira?
Afektan ittam ngamin na patay. Ngem i patay kari i pangultimuan na ngamin? Nakattaman ngana kari i natay ira? Egga kari iddanamada?
PANNONOPAN I KAGIAN NA BIBLIA:
ARI NGA NAKATTAMAN I NATAY IRA
“Ngamin i natay ira ay . . . mallalawan ira ta livud-da.”—Juan 5:28, 29.
Ari nga kattaman na Dios i natay ira; maginnolay noka i ngamin nga egga ta memoriana.
EGGA NOKA I PAGINNOLAY TA DAVVUN
“Egga noka i paginnolay parehu na matunung anna ari matunung.”—Kingngua 24:15, NW.
Binillion i mapaginnolay nga egga iddanamada nga memammo nga mattolay tu mannanayun.
KURU-KURUG I IDDANAMA NGA PAGINNOLAY
“Sinullo [na Dios] i bilang na biti-bitun ira; niddan na i kataggi-tadday ta ngaga-ngagad-da.”—Salmo 147:4.
Niddan na Dios tu ngagan i ngamin nga bitun, mabina laman gafu nga meraddamman i totolay nga paginnolayanna.
