Awayyam Pilian i Mappange Mu
Ma-3,500 nga dagun ngana i nappasa, nibilin ni Jehova nga Dios ta maddayarayaw ira nisa i mawag nga kuadda tapenu makkasta i mappange da: “Nipay ku i inango anna patay ta arubammu, i bendision anna i pangibariaw; anna piliammu nakuan i inango tapenu mattolay ka, sikaw anna i gakam ira.”—Deuteronomio 30:19.
Tapenu makkasta i mappange da, mawag tu fustu i piliadda. Kunnari gapa ta nittam. Kinagi na Biblia nu kunnasi makkasta i mappange tam: “Gukaban na pangaya kani Jehova nga Dios mu, gukaban na pagginna ta ngaral na.”—Deuteronomio 30:20.
KUNNASI TAM AYATAN SI JEHOVA ANNA MAGGINNA TA NISA?
MAGGIGIAMMU TU BIBLIA: Tapenu ayatammu si Jehova, mawag tu gigiammuammu labbi i meyannung ta nisa ta Biblia. Ta paggigiammum tu Biblia, mammuammu nga minaggiddu yayya nga Dios anna ikaya na nga magayayya ka. Ikaya na nga makimallo ka ta nisa ta ‘yayya i manangngal nikaw.’ (1 Pedro 5:7) Nepromesa ta Biblia nga nu ikagumammu i umaranni ta Dios, ‘umaranni yayya nikaw.’—Santiago 4:8.
TUTTULAMMU I NAGIGIAMMUM: Maggigginna ittam ta Dios nu tuttulattam i makasta nga tabarang na ta Biblia. Nu kuammu yatun, “makasta i pattuppalan na dalammu” anna “makapagguyu ka tu masirib.”—Josue 1:8.
^ par. 7 Ta maddaggun, available yaw ta pitu nga lengguahe, kagitta na Mandarin anna Cantonese Chinese.