TOPIKO NA VUNGUN | I KURUG MEYANNUNG TA ANGHEL IRA
Egga Kari Anghel De La Guardiam?
Ari ituttuddu na Biblia nga egga anghel de la guardia na kada tolay. Wan, kinagi ni Jesus: “Magimmugug kamu; arian nu nga kuan tu awan tu kwenta na maski tadday laman toye ta abbing ira [disipulos ni Cristo]. Kagiak-ku nikamu: i anghel da ira, ay kanayun ta arubang na Yamà ta langi.” (Mateo 18:10) Ngem kayà laman kagian ni Jesus nga interesadu i anghel ira ta kada disipulosna, imbes nga egga anghel de la guardia na kada tadday. Ari gafu masirib nga pappeligrowan na kurug ira nga maddayarayaw i baggida, tapus nonopadda nga protektan mabba ira na anghel na Dios.
Kayàna kari kagian nga ari uffunan na anghel ira i totolay? Ari. (Salmo 91:11) Kumbinsidu i karuan nga pinrotektan anna nigiya ira na Dios gukaban na anghel. Kunnatun i natageno ni Kenneth nga nakagi ta gafu nga artikulo. Ari gapa ittam dogmatiko, ngem awayyana tu fustu yaya. Maruddu nga maekspiriensa na Saksi ira ni Jehova i panguffun na anghel ira ta pallayyagayyada. Megafu ta ari masingan i anghel ira, ariattam ammu nu kunnasi ira usu-usan na Dios ta panguffun ta kada tadday ta nadduruma nga situasion. Maski nu kunna, ari gapa tu marake nu mappabalo ittam ta suporta nga iyayawa na Makapangngua-sa-ngamin.—Colosas 3:15; Santiago 1:17, 18.