Kurugan na karuan . . .

nga yaw ay kadaral na mundo gukaban na nuclear nga armas onu kadaral na pallevu. Anni makagim?

I kagian na Biblia

I Armagedon ay simboliko nga lugar na gerra na “dakal nga Aggaw na Dios nga Makapangngua sa Ngamin” kontra ta marake ira.​—Nepakannammu 16:14, 16.

Anni paga i mammuattam ta Biblia?

• Makiggerra i Dios ta Armagedon tapenu ipaliag i davvun ta panaral na totolay, ari tapenu daralan yaw.​—Nepakannammu 11:18.

• Pangultimuan na gerra na Armagedon i ngamin nga gerra.​—Salmo 46:8, 9.

Anni makagim?

• Wan

• Ari

• Siguru

I kagian na Biblia

“Magaru nga totolay” nga maggafu ta ngamin nga nasion i mapaliag ta “nepallo nga kadara-darum,” nga mangultimo ta Armagedon.​—Nepakannammu 7:9, 14.

Anni paga i mammuattam ta Biblia?

• Kayà na Dios nga mepaliag ta Armagedon i aru nga totolay adde ta posible. Daralanna laman i marake ira nu ariadda kayà i manguli.​—Ezekiel 18:32.

• Ipakanawag na Biblia nu kunnasi mapaliag ta Armagedon.​—Zefanias 2:3.