Aru nga Problema Ngem Egga Iddanama

“Duttal noka i ziga-riga ta pangurianan ira nga aggaw.”​—2 TIMOTEO 3:1.

NAKAGINNA onu nakasingakka ngana kari ta kunnaw ira nga kaddaraddam nga mesissimmu?

● Napakaru i natay megafu ta tadday nga kappatay nga taki.

● Ginatu i natay megafu ta bisin.

● Rinivu i natay anna nawanan tu paddianan megafu ta lunig.

Ta tumunug ira nga pahina, mabibbig mu i mamappanono ira nga report meyannung tatun ira nga mesissimmu. Masingammu gapa nga neprofesiya ta Biblia nga mesimmu danatun durante ta tiempo nga magalan tu “pangurianan ira nga aggaw.”

Ari nga gakkag naw ira nga artikulo nga kumbinsiakka nga mattolay ittam ngana ta magulu nga mundo. Manawag mabba ngana nga masingammu yatun. Imbes tu kunna, iddan naka danatun nga artikulo tu iddanama. Ipasingan na matuttuppal ngana nga annam ira nga profesiya nga aranni ngana mangultimu i “pangurianan ira nga aggaw.” Ikonsidera tam taw ira nga artikulo i opinion na karuan nga totolay meyannung tatun ira nga profesiya anna iddan naka danatun tu rason tapenu kurugan nga egga i mas makasta nga tiempo nga aranni ngana nga mesimmu.