Anni makagim?

• Wan

• Ari

• Siguru

I kagian na Biblia

“Ammù, AFU, tu itaddag mu i katunungan na totolay ira nga matazza-tazzian, anna itaddag mu gapa i katunungan na mariga ira.” (Salmo 140:12) Mangirattal tu kurug nga hustisia ta davvun i Pappatulan na Dios.

Anni paga i mammuattam ta Biblia?

• Masingi-singan na Dios i mesissimmu tu kawan na hustisia ta mundo, anna itunungna yaw.—Eclesiastes 5:8.

• Mangirattal tu imammo anna seguridad ta davvun i hustisia nga maggafu ta Dios.—Isaias 32:16-18.

Kurugan na karuan nga bendisionan onu ikalussaw na Dios i espesipiko ira nga grupo na totolay, ngem kurugan gapa na tanakuan nga para-parehu laman i pattratu na Dios ta ngamin. Anni i makagim?

I kagian na Biblia

“I Dios ay arian na nga padduma-ruman i pangikakua na ta totolay. Ta alawatan na i sinni laman nga matunung anna minakkimoray sa, maski nu anni nga rasa i naggafuan na.” (Kingngua 10:34, 35) Para ta Dios, pantay-pantay i ngamin.

Anni paga i mammuattam ta Biblia?

• Egga i makasta nga balita ta Biblia para ta ngamin nga “totolay na madduma-ruma i rasa, tribu, paguvovug, anna nasion.”—Nepakannammu 14:6.