Kansion 138
Jehova i Ngagammu
-
Dios nga kurug sikaw—
I Namaro ta ngamin.
I ngagammu Jehova—
Ta kada ginaka.
Ipar’parayawmi
Nga sikami pinilim.
Ta ngamin nasa-nasion,
I dayom kagiammi.
(KORO)
Jehova, Jehova,
Awattu kagittam.
Awan ngana tu tanakuan,
Langi o ta davvun.
Sikaw Katannangan laman;
Mammuaddaka nakuan.
Jehova, Jehova,
Awan ngana tu tanakuan.
-
Ay, mapabbalimmu
Sikami ta kayà mu.
Wan, emmi parulattan—
Sikaw, O Jehova.
Manestigu nikaw
I nepakuam nikami.
Yaw ay pribilehiomi—
Totolay nakami.
(KORO)
Jehova, Jehova,
Awattu kagittam.
Awan ngana tu tanakuan,
Langi o ta davvun.
Sikaw Katannangan laman;
Mammuaddaka nakuan.
Jehova, Jehova,
Awan ngana tu tanakuan.
(Innan gapa i 2 Cro. 6:14; Sal. 72:19; Isa. 42:8.)
