Nonopan na aru nga awan tu solusion na problema ira ta mundo ta 2024. Ngem egga i makasta nga iddanama tam ta mappange. Pakalegattam?

 Nipromesa na Biblia nga solban na Dios i problema ira nga meparubang ta nittam. Ta mappange, i Dios “funatan na ngamin i lulua da nga manuru, anna awan ngana noka tu matay, onu maraddam, onu tumangi-tangi, onu magattam ta taki.”​—Nepakannammu 21:4.

•   Tapenu mammuan paga i promesa ira na Biblia ta mappange, bibbigan i artikulo nga “Makakaasa Ka sa Isang Magandang Kinabukasan.”

 Mangiyawa i Biblia tu iddanama ta mappange nga makoffun tapenu malabanammu i negatibo nga appana-panono anna tapenu mabbaling tu positibo i pagimamma mu. (Roma 15:13) Moffunan naka gapa na praktikal nga tabarang na Biblia nga marubang i problema ira sangawe kagitta na ziga, kawan na hustisia, anna taki.

•   Ammuan nu kunnasi noffunan na iddanama ta Biblia i tadday nga lalaki nga mabbaling tu memammo anna magayayya maski nu mariga yayya. Girawan i video nga Juan Pablo Zermeño: Napeggan tu Gakkag i Pattolè Megafu Kani Jehova.

•   Ammuan nu kunnasi naka uffunan na Biblia nu makonsensia, maraddam, mavurung, anna nu natayakka. Bibbigan i artikulo nga “Makakatulong Ba Talaga sa Akin ang Sinasabi ng Bibliya?”

•   Girawan i dati nga suddalu nga sister nga “marake bi i ugali na” ngem naleran na i iddanama ta paggigiammu na tu Biblia. Girawan i video nga Binitiwan Ko ang Baril Ko.

 Kuan tu makapagayayya para nikaw anna ta familiam i 2024. Tapenu mammuan paga nu kunnasi naka moffunan na Biblia, purueban i libre nga paggigiammu tu Biblia. Ammuan nu kunnasi meyawa nikaw na Dios i “imammo” sangawe anna “makakkasta nga mappange anna iddanama.”​—Jeremias 29:11.