Sangawe ta 2024, mas aru nga eleksion i makua ta interu mundo anne ta nappasa ira nga dagun. Ngem aru nga totolay i ari ngana mattalo ta pulitiko ira.

•   Ta survey nga nakua ta America, aru i nakkagi nga “maggi ngamin nga pulitiko ay masserbi para ta pammakapianadda lagapa” imbes nga passerbiadda i totolay nga irepresenta da. a—Pew Research Center, Setiembre 19, 2023.

 Aru gapa nga kabataan i ari ngana mattalo ta pulitiko ira.

•   “Kayà na aru nga kabataan nga masolba i importante ira nga isyu, ngem segun ta survey ira kagiadda nga awan tu kuan na pulitiko ira tapenu solban yatun.”​—The New York Times, Enero 29, 2024.

•   “Segun ta survey, mas mattalo i kabataan ta YouTuber ira anne ta pulitiko.”​—The Korea Times, Enero 22, 2024.

 Makapattalo ittam kari ta pulitiko ira para ta makasta nga mappange? Sinni i pattalakkattam?

 Mawag nga magimugug i totolay ta pattalakkadda. Kagian na Biblia nga “kurugan na inosente nga tolay i kada uvovug, ngem pannonopan tu mapia na masirib i kada dakkua na.”​—Proverbio 14:15.

•   Tapenu mammuan nu fustu i informasion nga malawa mu, bibbigan i artikulo nga “Kammu Mappelogo ta Ugal ira nga Informasion.”

 Kunne na gapa, limitadu laman i makua maski danuri mapattalakkan anna makasta i intensiodda nga pulitiko. Yari tu kagian na Biblia:

•   “Ari ka nga mammakatalo ta mammaguray ira nga totolay; awan tu maski sinni nga tolay i makepaliag nikaw.”​—Salmo 146:3, Good News Translation.

 Kagian na Biblia nga egga i pinili na Dios nga makapangngua anna mapattalakkan nga lider: Si Jesu-Cristo. (Lucas 1:32, 33) Si Jesus i Patul na Pappatulan na Dios, gobiernu yatun nga mammaguray ta langi.​—Mateo 6:10.

•   Ammuan nu ngatta makapattalo ka kani Jesus anna nu anni i kuan na tapenu masolba i problema tam ira. Bibbigan i artikulo ira nga “Sinni i Patul ta Pappatulan na Dios?” anna “Ano ang Gagawin ng Kaharian ng Diyos?”