Aru nga Totolay i Makatageno tu Pagitetadday—Kunnasim nga Marubang?
“Maggi gaddua na adulto ta U.S. i nereport nga makatageno tu pagitetadday, aru tatun i magedad tu 18 adde ta 25.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.
“Niyanunsio na [World Health Organization] i bagu nga Commission on Social Connection tapenu ipasingan nga delikadu ta gawa-gawayyan i pakatageno tu pagitetadday, pagaramman i totolay nga makikavvulu ta tanakuan, anna masolusionan i pakatageno tu pagitetadday ta ngamin nga nasion, maski i mariga ira nga nasion.”—World Health Organization, Nobiembre 15, 2023.
Mangiyawa i Biblia tu makoffun nga tabarang nu kunnasi ittam mapeggan tu makasta nga relasion ta tanakuan.
I prinsipio ira na Biblia nga makoffun
Ibita i aktibidad ira nga kanayun nga magitetadday ka. Nelavu tatun nga aktibidad i sobra nga pangusa tu social media. Magaleg ka lallagu tu oportunidad nga makikavvulu ta totolay ta personal anna makikkofun nira.
I prinsipio na Biblia: “I kurug nga kofun ay mangipasingan tu aya ta ngamin nga tiempo anna wagi nga meyana ta tiempo na ziga.”—Proverbio 17:17.
Magaleg tu oportunidad nga uffunan i tanakuan. Nu magangngua ittam tu mapia ira nga gannug ta tanakuan, paladdan natun i relasiottam ta tanakuan anna mabbaling ittam tu magayayya.
I prinsipio na Biblia: “Mas dakal i pagayaya ta pangiyawa anne ta pangalawa.”—Kingngua 20:35.
I-explore mu i website mi tapenu mas aru paga i mammuammu nga makoffun nga informasion ta Biblia nu kunnasim mapaladda i pakikkofummu ta tanakuan.