Ta Enero 27, 2023, aru nga totolay i makiparte ta International Holocaust Remembrance Day. Megafu taw nga marake nga nesimmu maturu tu 75 dagun ngana i nappasa, awayya na nga manono mu nu ngatta ipamavulun na Dios nga mesimmu i Holocaust.

•   Tapenu mammuan i tabbag na Biblia, bibbigan i artikulo nga “Bakit Nangyari ang Holocaust? Bakit Hindi Ito Pinigilan ng Diyos?”

 Kuruga nazziga-riga i Judio ira megafu ta Holocaust. Sadya nga napapatay i minillion ta nira. Napersigi gapa i miembro ira na tanakuan ira nga grupo anna pinateda ira ta tiempo na Holocaust. Tadday tatun i Saksi ira ni Jehova nga napersigi megafu ta nebase-Biblia nga pangurug da.

•   Tapenu mammuan i aru paga, bibbigan i artikulo nga “Ano ang Nangyari sa mga Saksi ni Jehova Noong Holocaust?”

 Ikassing na aru nga totolay nga mesimmu uli i Holocaust. Ngem nipromesa na Biblia nga ta mappange ari ngana mesimmu i kunnaw nga trahedia.

•   “‘Ta ammù tu mapia i ikaya ku nga kuan para ta nikamu,’ kagian ni Jehova, ‘iddattakamu tu imammo, ari tu ziga, tapenu mapeggakkamu tu makakkasta nga mappange anna iddanama.’”—Jeremias 29:11. a

 Matuppal yaw nga iddanama sonu alsan ni Jehova nga Dios i marake anna i efekto na kinamarake. Ta mappange:

•   Alsan na i marake ira.​—Proverbio 2:22.

•   Pawanan na i pazziga-riga.​—Nepakannammu 21:4.

•   Paginnolayan na ta davvun i natay ira.​—Juan 5:28, 29.

 Makapattalo ka ta makapabannay nga iddanama nga iyawa na Biblia. Tapenu mammuan nu ngatta, purueban i libre nga paggigiammu tu Biblia nga egga i manguffun nikaw.