I Kuan na Pappatulan na Dios ta Gerra Ira
Daka-dakal nga perwisiu anna ziga i resulta na gerra ira ta interu mundo. Danaw i karuan nga report:
“Ta nappasa nga dagun, mas aru nga totolay i natay gafu ta gerra, primeru ngana ta Ethiopia anna Ukraine, kumpara ta karuan ira nga dagun namegafu ta 1994.”—Peace Research Institute Oslo, Hunio 7, 2023.
“Tadday laman i gerra ta Ukraine ta gulu ira nga mas naggrabe ta 2022. Ta nappasa nga dagun, minatannang tu 27% i kinavayolente nga resulta na pulitika ta interu mundo anna 1.7 billion nga totolay i afektadu tatun.”—The Armed Conflict Location & Event Data Project (ACLED), Pebrero 8, 2023.
Egga i iddanama nga nakagi ta Biblia. Nakagi tatun nga “mamataddag noka i Dios na langi tu tadday nga pappatulan nga ari vuluvuga madaral noka.” (Daniel 2:44) Gukaban natun nga Pappatulan, onu gobiernu, “pagimmangan [na Dios] i gerra ira ta tanga-ravvunan.”—Salmo 46:9.