Ikaya na totolay i lider ira na gobiernu nga awayya da pattalakkan megafu ta dismayadu ira ta marake ira nga pulitiko. Ta tadday nga survey nga nakua ta madduruma nga parte na mundo nga nepublisa ta 2023, aru i makkagi nga i pinaka-ariadda pattalakkan nga grupo na totolay ay i lider ira na gobiernu. a

 Nakagi ta Biblia i tadday nga gobiernu nu sitaw talaga mapammakatalakkan anna ari vuluvuga magangngua tu marake i Lider na. Yatun nga gobiernu ay i Pappatulan na Dios anna si Jesu-Cristo i Lider na.​—Isaias 9:7.

 Nipasingan ni Jesus ta kinikkingngua na ira tagga nga talaga ikavurungan na i totolay ira. (Mateo 9:35, 36) Bilang Patul na Pappatulan na Dios, irattal na noka i hustisia anna imammo ta ngamin nga mangalawa ta pangirollu na.​—Salmo 72:12-14.