I Kuan na Pappatulan na Dios ta Marake nga Mesissimmu ta Planeta Tam
“Afektadu i totolay, siudad ira, anna i ecosystem megafu ta panguli-uli na klima. Megafu gapa tatun, mas massikan la massikan i bagiu ira nga manaral ta babalay anna pagalegan na totolay ta interu mundo. Mappatu la mappatu gapa i bebay ira nga mamappeligro ta aru ira nga species tatun.”—Inger Andersen, under-secretary-general na United Nations anna executive director na UN Environment Programme, Hulio 25, 2023.
Madduruffun kari i gobiernu ira tapenu solbadda danatun nga problema? Makeyawa kari ira tu permanente nga solusion?
Nakagi ta Biblia i tadday nga gobiernu nga manolba ta ngamin nga marake nga mesissimmu ta planeta tam. Nakagi tatun nga “mamataddag noka i Dios na langi tu tadday nga pappatulan,” onu gobiernu nga solusion ta ngamin nga problema. (Daniel 2:44) Sonu mammaguray ngana yatun nga gobiernu, awan saw tu tolay nga magangngua tu maski anni nga makapataki onu makadaral ta kasittolena onu ta planeta.—Isaias 11:9.