I Kuan na Pappatulan na Dios ta Problema ta Ekonomia
Aru nga totolay ta interu mundo i makkagi nga marigatan ira nga magaleg para ta pakawagadda—anna mas paga nga mazziga yatun.
Segun ta nikanni laman nga global report, a “fermi i pinakkazza na balor na sueldu na totolay.” Nakagi paga tatun nga report nga nu ari nga masolusionan yatun, mas nga marriku i riku ira anna mas marriga i pattolay na mattrabahu ira anna i familia da.
Masolba kari na gobiernu ira i dumaka-dakal nga problema ta ekonomia onu maski mapakasta laman yatun?
Nakagi ta Biblia i tadday nga gobiernu nga mawayya na anna talaga solban na i ngamin nga problema ta ekonomia maski i padduruma na estado ta pattolay. Nakagi tatun nga “mamataddag noka i Dios na langi tu tadday nga pappatulan,” tadday nga gobiernu nga mammaguray ta ngamin nga mesissimmu ta davvun. (Daniel 2:44) Ta pammaguray natun nga gobiernu, awan tu mattaman onu mapagurayan. (Salmo 9:18) Siguraduan na Pappatulan na Dios nga iyawa na ta ngamin nga imagurayan na i kawagadda tapenu magayayya ira. Magayayya i ngamin megafu ta resulta na nabbabbannagadda.—Isaias 65:21, 22.
a International Labour Organization Global Wage Report 2022-23