I Kuan na Pappatulan na Dios ta Problema Tam ira ta Gawa-gawayyan
“Maski nu ari ngana nga global health emergency i COVID-19, delikadu lapa yatun ta gawa-gawayyan na totolay ta interu mundo. . . . Siguradu nga egga mana saw i tumunug nga pandemic, yari ta mawag nga preparadu ittam.”—Dr. Tedros Adhanom Ghebreyesus, director-general na World Health Organization, Mayo 22, 2023.
Aru lapa nga totolay i marigatan ta pisikal anna mental nga gawa-gawayyadda megafu ta COVID-19 pandemic. Nakaprepara kari para ta tumunug nga pandemic i gobiernu ira anna i institusion ira nga manangngal ta gawa-gawayyattam? Masolba da kari i problema tam ira ta gawa-gawayyan ta maddaggun?
Nakagi ta Biblia i tadday nga gobiernu nga manolba ta problema tam ira ta gawa-gawayyan. Nakagi tatun nga “mamataddag noka i Dios na langi tu tadday nga pappatulan,” onu gobiernu. (Daniel 2:44) Sonu mammaguray ngana yatun nga gobiernu, “awan noka tu maski sinni nga mangikagi: ‘Mataki ngà.’” (Isaias 33:24) Magawa-gawayyan anna masikan ngana saw i ngamin.—Job 33:25.